InicioSOCIEDADEPiden case seis anos de cárcere por un roubo continuado na Praza...

Piden case seis anos de cárcere por un roubo continuado na Praza de Abastos de Santiago

O acusado, que conta con antecedentes por delitos similares, enfróntase ao xuízo este vindeiro venres na sede compostelá da Audiencia Provincial.

Publicado o

Xornal de Compostela

A sección da Audiencia Provincial da Coruña con sede en Santiago xulgará o vindeiro venres, día 20, a un home acusado de asaltar varios postos da Praza de Abastos de Santiago. O Ministerio Público solicita para o procesado unha pena de cinco anos e nove meses de prisión ao consideralo autor dun delito continuado de roubo con forza.

Segundo o escrito de acusación da Fiscalía, os feitos ocorreron o 4 de abril de 2023, cando o procesado accedeu xunto a outra persoa ás instalacións da Praza de Abastos mentres estaban pechadas ao público. Alí, tras apalancar as persianas metálicas de peche dos postos e os marcos dos mostradores da nave 8, logrou acceder a tres establecementos. Nun deles apoderouse dun teléfono móbil, mentres que no segundo fíxose con 730 euros da recadación da caixa rexistradora e 150 euros de cambio. No último posto forzado só causou danos materiais.

A Fiscalía considera que os feitos son constitutivos dun delito continuado de roubo con forza coa agravante de reincidencia, xa que o home conta con outras tres condenas previas por roubo. Por este motivo, a petición de pena elévase ata os cinco anos e nove meses de cárcere que se dirimirán na vista do vindeiro venres.

ÚLTIMAS

A acampada pola vivenda comeza a desmontarse no Obradoiro

A acampada pola vivenda de Santiago de Compostela iniciou a recollida e reorganización do...

Denuncian no Obradoiro que a Policía acurralou e golpeou manifestantes tras a marcha do 11N

Unha trintena de persoas concentrouse este sábado na praza do Obradoiro, en Santiago de...

Feijóo promete en Santiago que “non volverá haber corrupción” se goberna o PP en España

Alberto Núñez Feijóo comprometeuse este sábado no Multiusos Fontes do Sar a impulsar a construción...

O PSdeG apela ao voto útil nun encontro con cargos públicos da comarca de Santiago

Os candidatos socialistas Sindo Guinarte e Ana Alvite reuníronse este sábado con cargos públicos...

A Fiscalía pide 30 anos e medio de cárcere para cada un dos dous principais acusados do caso do club ‘San Lázaro II’

A sección sexta da Audiencia Provincial da Coruña, con sede en Santiago de Compostela,...

Santiago supera por primeira vez as 2.000 bolsas de comedor, material escolar e extraescolares

O Concello de Santiago concedeu 2.083 bolsas de comedor, material escolar e actividades extraescolares...

Buscas emprego na USC? A universidade anuncia 289 prazas públicas para profesorado e persoal de administración

A renovación dos cadros de persoal das universidades públicas constitúe un dos grandes retos...