O Concello de Santiago informou dunha nova quenda de obras de mantemento viario que comezarán o luns 25 de agosto e se prolongarán ata o xoves 4 de setembro. Os traballos, que consisten en fresado e posterior aglomerado, obrigarán a realizar cortes de tráfico en diferentes rúas da cidade e suporán tamén alteracións en varias liñas do bus urbano.
Segundo comunicou o executivo local, as persoas residentes poderán acceder aos seus domicilios durante o fresado, mais non será posible a circulación no momento de botar o aglomerado.
CORTES DE TRÁFICO PREVISTOS
-
Rúa das Mulas: entre a rúa do Tambre e o tanatorio municipal, cortada o luns 25 e o martes 26 de 08:00 a 19:00.
-
Rúa do Tambre:
-
Tramo cruzamento rúa das Mulas – vía De la Cierva, cortado o luns 25 e o mércores 27 de 08:00 a 19:00.
-
Tramo avenida do Cruceiro da Coruña – rúa do Río, cortado o martes 26 e o xoves 28 de 08:00 a 19:00.
-
-
Rúa dos Irmandiños: desde a baixada da praza de España ata Camiños da Vida, cortada o martes 26 e o xoves 28 de 08:00 a 19:00.
-
Rúa das Canteiras de Sar – Mouronzón: cortada o mércores 27, xoves 28, venres 29 de agosto e o luns 1 de setembro de 08:00 a 19:00.
-
Rúa da Estrada: entre travesa da Estrada e Restollal, pechada o xoves 28 (14:30-18:00) e o venres 29 (08:30-13:00).
-
Rúa do Restollal: corte parcial (dous de catro carrís) os días 1 e 2 de setembro, de 08:00 a 18:00; o día 2 tamén quedará cortada a rúa da Estrada.
-
Rúa da Muíña: entre a Vesada, Porto de Amio e Mariñeira, cortada o martes 2, mércores 3 e xoves 4 de setembro, de 08:00 a 19:00.
CAMBIOS NO TRANSPORTE URBANO
As obras afectan ás liñas 1, 8 e P2 do bus urbano, con desvíos e supresión dalgunhas prolongacións:
-
Luns 25: liña 8 con desvío no acceso ao tanatorio de Boisaca; a parada do tanatorio trasladarase á escola infantil do cruce anterior.
-
Martes 26: liñas 1, P2 e 8.
-
Liña 1: quedan suprimidas as prolongacións por Manuel María.
-
Liña P2: as prolongacións a Son entrarán polo polígono vía Edison; na volta, desviaranse pola rúa do Río.
-
Liña 8: mesmo desvío do día anterior cara o tanatorio.
-
-
Mércores 27: liña 8, con cortes no Tambre e no Río. As prolongacións ao tanatorio realizaranse con cambios de percorrido segundo horario de mañá (08:00-14:30) ou tarde (14:30-19:00).
-
Xoves 28: liñas 1 e P2 co mesmo esquema que o martes 26.
O Concello lembra que os desvíos e paradas alternativas poden consultarse na web de Tussa (www.tussa.org) e prégalle á veciñanza que desculpe as molestias.
