A Policía Nacional detivo a un home como presunto autor de tres roubos violentos ocorridos na contorna do barrio do Restollal, en Santiago, entre decembro de 2024 e febreiro de 2025.
En concreto, o primeiro roubo ocorreu o xoves 12 de decembro ás 14.00 horas. Un matrimonio octoxenario dispúñase a cruzar un paso de peóns e o ladrón tirou “fortemente” do bolso da muller.
Posteriormente, tívose constancia doutro feito similar na mesma zona, o domingo 9 de febreiro ás 13.00 horas. Neste caso, outra muller octoxenaria sufriu un tirón do bolso que levaba colgado do brazo.
O terceiro feito ocorreu tres días despois no mesmo barrio. A vítima foi unha muller á que o ladrón agarrou polo pescozo á vez que a ameazou cun obxecto punzante nas súas costas e logrou levar o seu bolso.
Tras a investigación policial determinouse a correspondencia do tres roubos e recoñeceuse e identificou o autor. Unha vez localizado, o home foi detido este xoves ao ser detectado por unha radiopatrulla da Brigada de Seguridade Cidadá. O detido pasou a disposición do Xulgado de Garda de Santiago este mesmo venres.
