Dúas persoas resultaron feridas, unha delas de gravidade, na colisión frontal entre dous coches e un camión rexistrada na mañá deste venres en Santiago de Compostela. O sinistro produciuse ás 08,40 horas na recta da Susana da estrada nacional N-525, segundo trasladou o CIAE 112 Galicia.
O accidente causou dous feridos que non foi necesario excarcerar e que foron evacuados de emerxencia ao Complexo Hospitalario Universitario de Santiago (CHUS) en ambulancias de Urxencias Sanitarias 061.
O incidente provocou retencións na zona, ata a que se desprazaron tamén efectivos da Garda Civil e persoal de mantemento de estradas do Ministerio de Transportes.
