O IES Rosalía de Castro convocou o VII Premio Stephen Hawkings baixo a lema ‘Iniciativa e superación’ coa microbióloga referente en oncoloxía, Marisol Soengas, como coordinadora.
Os alumnos de bacharel de toda Galicia dos cursos 2022-2023, 2023-2024 ou do actual 2024-2025, poderán participar no certame. Tamén, estudantes de determinados centros estatais adscritos ao programa de bacharelato internacional terán dereito a apuntarse.
Nesta edición as entidades colaboradoras son, ademais da Xunta de Galicia, tres empresas privadas: Feiraco, Finsa e Tenreira Galega. A contía económica será de 4.600 euros a repartir entre os premiados.
O concurso divídese en catro ramas de coñecemento: Matemáticas e Ciencias da Computación, Ciencias da Saúde, Ciencias Sociais e Experimentais e Humanidades e Artes. Os estudantes poden elixir entre traballar de forma individual ou en grupos de ata catro persoas, pero sempre dirixidos por un profesor.
O requisito do proxecto é que poida plasmarse o resultado en forma de artigo científico dun máximo de 4.000 palabras. Poderá entregarse ata o 18 de marzo e a segunda semana de abril será a avaliación.
