HomePOLÍTICAA alcaldesa de Santiago rexeita o "alarmismo" do PP ante a apertura...

A alcaldesa de Santiago rexeita o “alarmismo” do PP ante a apertura de vivendas de uso turístico

A rexedora incidiu en que a ordenanza marca a comunicación dos usos asimilados dos 60 días ao Concello e lembrou que xa existe unha modificación do Plan Xeral de Ordenación Municipal (PXOM) para regular estes usos turísticos, polo que non pode "regularizarse" ningún uso que "quede fóra da legalidade"

Publicado o

Por Ramón Mariño

A alcaldesa de Santiago de Compostela, a nacionalista Goretti Sanmartín, rexeitou o “alarmismo” do PP local e considerou que moitas das vivendas de uso turístico (VUT) da cidade non se acollerán aos 60 días.

Así se pronunciou este xoves ao ser preguntada polas críticas á ordenanza das vivendas anunciada polo Concello por parte do PSOE e PP. En concreto, os populares temen que a cidade “se encha” de VUTs durante dous meses, mentres os socialistas reprochan a “ambigüidade” da alcaldesa.

Respecto diso, a rexedora incidiu en que a ordenanza marca a comunicación dos usos asimilados dos 60 días ao Concello e lembrou que xa existe unha modificación do Plan Xeral de Ordenación Municipal (PXOM) para regular estes usos turísticos, polo que non pode “regularizarse” ningún uso que “quede fóra da legalidade”. “Non se pode volver atrás e non se pode agora decidir resucitar un plan que, estes momentos, está xa vixente e é así”, incidiu.

Por iso, considerou que é momento de “deixar polémicas” e traballar “cara adiante” e asegurou que entenden que “non todo o conxunto das vivendas de uso turístico vai acollerse aos 60 días”.

A este respecto, incidiu que en “moitas” delas “xa están nunha situación de ilegalidade total” porque están na Zona Vella nun contexto no que “na cidade histórica non as pode haber“. “Outras, entendo que é máis probable que se acollan ao aluguer de longa duración e que prefiran facer un aluguer tradicional a familias para establecerse durante unha serie de tempo”, afirmou.

Dito isto, incidiu en que haberá “algunhas” ás que si lle compense compaxinar estes 60 días de uso turístico co aluguer a estudantes.

Por iso, criticou o “alarmismo” do PP ao asegurar que a ordenanza vai converter Santiago nunha “VUT”. “Cremos que iso non vai ser o que vai dar lugar esta ordenanza que, insisto, o que fai é desenvolver algo que xa quedou aprobado fai máis dun ano”, apuntou.

A rexedora incidiu en que a modificación da PXOM “quedou aprobada fai máis dun ano” e que o que fai o goberno local é “competarla” ao dicir que ten que facer a xente que ten propiedades para comunicalo ao Concello.

Con todo, recoñeceu que, como non se poden “adiantar aos feitos”, se se producise algunha consecuencia que non se considerase positiva, analizarase e tomaranse as decisións pertinentes.

Por outra banda, preguntada polos avances no acordo coa Xunta para o aparcadoiro do Hospital Clínico, a rexedora confirmou que lles chegou ao Consistorio unha proposta por parte do Goberno galego que analizarán nos próximos días. “En todo caso, cremos que está todo encamiñado de forma positiva”, dixo.

ÚLTIMAS

Falece o mozo que sufriu unha caída de 8 metros nun rocódromo de Costa Vella

O mozo que sufriu, o pasado 17 de xuño, unha caída de oito metros...

Sufocado un incendio no interior dun alpendre en Teo

Sufocado o incendio no interior dun alpendre no núcleo de Calo, no concello coruñés...

Isto custa ir de Santiago a Coruña e Vigo pola AP-9

Todos aqueles galegos que están acostumados a empregar a carísima autopista AP-9 como vía...

A Xunta mantén o financiamento para o novo parque de bombeiros en Amio

A Xunta de Galicia confirmou que non se oporá ao cambio de localización do...

O PP local demanda urxentes reparacións nas pistas de tenis municipais en Santiago

O concelleiro do Partido Popular de Santiago, José Ramón de la Fuente, denunciou o...

O goberno local aproba a construción de 24 vivendas de promoción pública na zona do Castiñeiriño

O Concello de Santiago aprobou este luns a solicitude do Instituto Galego de Vivenda...

Parques infantís, aparcadoiros e Multixogo Nadal: esixencias do PSOE para negociar remanentes

O grupo socialista de Santiago móstrase aberto a negociar a repartición de remanentes municipais,...

LEAVE A REPLY

Please enter your comment!
Please enter your name here