HomePOLÍTICAGoretti Sanmartín volvería ser alcaldesa se hoxe se repetisen as eleccións

Goretti Sanmartín volvería ser alcaldesa se hoxe se repetisen as eleccións

Os nacionalistas volverían ser a segunda forza na cidade, aínda que con dous concelleiros máis, mentres que os de Borja Verea manterían a maioría simple con 11

Publicado o

Por David M. Sobrino Platas

Segundo publicou unha enquisa de Sondaxe, recollida e publicada este domingo polo diario La Voz de Galicia, o BNG volvería obter o apoio suficiente da cidadanía compostelá para gobernar a cidade. De feito, segundo os resultados desta enquisa, parece que o faría con dous concelleiros máis (actualmente ten 6 e pasaría a ter 8), dous concelleiros que perdería o PSOE, pasando a ser así terceira forza no Concello.

Pola súa banda, se hoxe se repetisen as eleccións, o PP de Borja Verea acadaría de novo a maioría de votos. Porén, isto non permitiría que Verea fose investido alcalde, xa que os 11 escanos que lle vaticina a enquisa (os mesmos que acadou nos últimos comicios) quedarían aínda a 2 da maioría absoluta.

Nas pasadas eleccións, o BNG obtiña 6 concelleiros e daba un sorpasso aos socialistas de Sánchez Bugallo. E parece que esta subida do BNG sería só un preludio do que a intención de voto despois nos diría. O BNG seguiría subindo, coméndolle escanos ao PSOE. Manteríanse, por outra banda, PP e Compostela Aberta, cos mesmos edís. Estes resultados para o PSOE lembran aos que obtivo no ano 2015, no que obtivera o mesmo número de concelleiros, aínda que o Goberno local por aquel entón pasase a ser gobernado coa maioría de Compostela Aberta.

Cos resultados que propón esta enquisa non habería moito cambio no goberno local, xa que o reparto de escanos para a esquerda e a dereita quedaría igual de repartido que agora (11 para a dereita do Partido Popular e 14 para a esquerda de PSOE, BNG e CA).

Esta enquisa dálle ao PP un 39,2% dos votos, mentres que o BNG, como segunda forza, levaría o 28,5%. Pola súa parte, o PSOE quedaría co 17,2% e Compostela Aberta co 9,1%.

ÚLTIMAS

Falece o mozo que sufriu unha caída de 8 metros nun rocódromo de Costa Vella

O mozo que sufriu, o pasado 17 de xuño, unha caída de oito metros...

Sufocado un incendio no interior dun alpendre en Teo

Sufocado o incendio no interior dun alpendre no núcleo de Calo, no concello coruñés...

Isto custa ir de Santiago a Coruña e Vigo pola AP-9

Todos aqueles galegos que están acostumados a empregar a carísima autopista AP-9 como vía...

A Xunta mantén o financiamento para o novo parque de bombeiros en Amio

A Xunta de Galicia confirmou que non se oporá ao cambio de localización do...

O PP local demanda urxentes reparacións nas pistas de tenis municipais en Santiago

O concelleiro do Partido Popular de Santiago, José Ramón de la Fuente, denunciou o...

O goberno local aproba a construción de 24 vivendas de promoción pública na zona do Castiñeiriño

O Concello de Santiago aprobou este luns a solicitude do Instituto Galego de Vivenda...

Parques infantís, aparcadoiros e Multixogo Nadal: esixencias do PSOE para negociar remanentes

O grupo socialista de Santiago móstrase aberto a negociar a repartición de remanentes municipais,...

LEAVE A REPLY

Please enter your comment!
Please enter your name here