InicioPOLÍTICASanmartín reivindica a taxa turística e anuncia melloras na mobilidade e nos...

Sanmartín reivindica a taxa turística e anuncia melloras na mobilidade e nos servizos municipais

A alcaldesa de Santiago explicou nunha entrevista radiofónica que o imposto de estadías recadará arredor de 2,5 millóns de euros anuais

Publicado o

Xornal de Compostela

A alcaldesa de Santiago, Goretti Sanmartín, defendeu esta mañá a entrada en vigor da taxa turística durante unha entrevista no programa Más de uno Compostela, en Onda Cero. Sanmartín destacou que se trata dun “instrumento útil e necesario” para facer fronte ao sobreesforzo que supón para a cidade recibir un volume tan elevado de visitantes.

A rexedora salientou que o imposto —cun custo de entre 1 e 2,5 euros por persoa e noite— permitirá recadar uns 2,5 millóns de euros anuais, que se destinarán a un modelo turístico máis sustentable, á limpeza e ao coidado do patrimonio. “Son cantidades modestas, pero que teñen un impacto importante nas arcas municipais”, explicou. Ademais, lembrou que a xestión dos fondos será decidida nun foro de cogobernanza no que estarán representados o sector turístico, asociacións veciñais e grupos políticos.

NOVAS LICENZAS DE TAXI E TRANSPORTE PÚBLICO

A alcaldesa tamén se referiu aos problemas de mobilidade en horas punta. Anunciou que o Concello ten en marcha a incorporación de 29 novas licenzas de taxi, que se sumarán ás actuais en canto remate a tramitación coa Xunta. “Agardo que sexa o máis rápido posible”, dixo. Ademais, avanzou que o novo contrato do transporte colectivo incluirá melloras nas conexións co rural, lanzadeiras e máis frecuencias, así como cambios nas marquesiñas.

Sanmartín respondeu ás queixas de veciños de Laraño, Meixonfrío ou dos polígonos industriais de Santiago. Comprometeuse a revisar o estado das marquesiñas e a repoñer xogos infantís como a tirolina de Meixonfrío. Sobre o estado dalgúns polígonos, lembrou que parte das competencias corresponden a outras administracións, aínda que o Concello “toma nota e buscará fórmulas de solución”.

En relación coa limpeza da cidade, asegurou que se está a notar unha mellora tras o reforzo de persoal e maquinaria, e fixo un chamamento á colaboración cidadá para respectar horarios e uso correcto dos contedores.

PATRIMONIO E VIVENDA NO CASCO HISTÓRICO

A rexedora anunciou tamén que o goberno municipal traballa nunha modificación normativa para permitir novos usos en edificios singulares da zona histórica, moitos deles infrautilizados. Entre as opcións, mencionou residencias estudantís e centros para maiores. “Queremos que a zona histórica teña vida, movemento e que sexa habitable”, indicou.

UNHA POSIBLE MOCIÓN DE CENSURA QUE “SÓ BUSCA FACER RUÍDO”

Preguntada polas informacións sobre un posible movemento do PP para impulsar unha moción de censura, Sanmartín restou importancia ao asunto: “Son manobras que só buscan facer ruído. O Partido Popular non ten os apoios necesarios para gobernar agora nin no futuro inmediato”, asegurou.

ÚLTIMAS

Ernest Urtasun reivindica os investimentos culturais en Galicia e carga contra Feijóo e o PSOE

O candidato de Fronte Ampla, Paulo Carlos López, anunciou este luns en Santiago de...

Santiago multiplica os visados para construír vivendas: un crecemento do 405 % en nove meses

O visado de novas vivendas para construír en Santiago de Compostela disparouse un 405...

Santiago queda sen oito novas rutas aéreas a só dúas semanas da súa estrea: Flyyo non operará os voos comercializados por Fly2Galicia

A turoperadora Fly2Galicia anunciou a contratación da aeroliña portuguesa White Airways para operar, a...

Santiago pecha os parques municipais dende as 14:00 polo aviso amarelo por vento

Os parques municipais de Santiago de Compostela quedan pechados desde as 14:00 deste luns...

Ernest Urtasun reivindica os investimentos culturais en Galicia e carga contra Feijóo e o PSOE

O candidato de Fronte Ampla, Paulo Carlos López, anunciou este luns en Santiago de...

O PSdeG traslada ao venres 20 de novembro o mitin de Pedro Sánchez en Santiago

O presidente do Goberno e candidato socialista, Pedro Sánchez, participará o venres 20 de...

A Plataforma Cidadá por un Senado de Progreso chama a concentrar o voto da esquerda á Cámara Alta

A Plataforma Cidadá por un Senado de Progreso presentou en rolda de prensa un...

LEAVE A REPLY

Please enter your comment!
Please enter your name here