InicioMOV. SOCIAISConvocada unha protesta da CIG ante a Xunta pola "ausencia de cambios"...

Convocada unha protesta da CIG ante a Xunta pola “ausencia de cambios” en Educación

Será este mércores ás 11:00h en San Caetano

Publicado o

Xornal de Compostela

A CIG, principal sindicato do ensino público galega, convocou para este mércores ás 11.00 horas unha protesta ante as dependencias da Xunta, no barrio compostelán de San Caetano, para denunciar a “ausencia de cambios” na Consellería de Educación tanto en políticas como nas persoas que a dirixen.

Segundo denuncia a organización nun comunicado, esta falta de substitución no departamento educativo, do que Román Rodríguez seguiu á fronte tras a renovación do Goberno autonómico, vén acompañada “por un inmobilismo declarado en todas as medidas destes últimos anos, regresivas unhas e insuficientes outras”.

En primeiro lugar, a CIG critica que o profesorado galego se ve “castigado cos maiores horarios de todo o Estado”, pese ao acordo para reducilos asinado co resto de sindicatos en outubro de 2023.

A central nacionalista tamén lamenta que a Xunta “nega a redución de cocientes en case todos os ensinos”, xa que a diminución do número de alumnos por aula de 25 a 20 afectará só a 4º de Infantil (3 anos) o próximo curso.

Ademais, a CIG censura que, por agora, “non hai” encima da mesa que estuda como reducir a burocracia no labor docente “ningunha medida efectiva” para atallar esta cuestión, nin tampouco “ofertas amplas de emprego nin estabilidade laboral”. Precisamente, esta central criticou o número de prazas ofertadas nas oposicións do pasado fin de semana porque, segundo as súas cifras, tiña que incorporar 1.080 vacantes a maiores.

Tamén critica o sindicato a “improvisación e a falta de transparencia” da Consellería na posta en marcha da nova oferta da FP; a falta dun pacto pola lingua, ao que suma o “lesivo” decreto do plurilingüismo aprobado en 2010; así como a “discriminación e segregación salarial” do profesorado.

ÚLTIMAS

Buscan ao sospeitoso de provocar un incendio este martes á beira do cemiterio de Boisaca

A Policía Local de Santiago de Compostela busca ao sospeitoso de orixinar un incendio xunto ao...

O CHUS defende o aumento de ambulancias ante as queixas

O complexo hospitalario universitario de Santiago de Compostela (CHUS) defendeu o aumento de ambulancias...

A onda de calor actual “non supera a marca rexistrada” en Santiago de 40º en 1990

O coordinador científico do Observatorio Astronómico Ramón María Aller da Universidade de Santiago de...

Denunciados dous taxistas en Santiago por conducir baixo os efectos do alcol mentres levaban a pasaxeiros

A Garda Civil, a través do Subsector de Tráfico da Coruña, denunciou a dous...

(VÍDEO) A Asociación de Pacientes denuncia un novo colapso nas urxencias do CHUS e sinala ata 13 pacientes graves nos corredores

A Asociación de Pacientes e Usuarios do CHUS denunciou este luns un novo episodio...

‘Sinaladas’ afonda na memoria das mulleres galegas represaliadas ao longo do século XX

A rúa da Carreira do Conde, en Santiago de Compostela, acolle desde esta semana...

A Asociación de Pacientes do CHUS denuncia demoras de ata 17 días na atención primaria malia o plan de verán do Sergas

A Asociación de Pacientes e Usuarios do CHUS volveu advertir sobre o grave deterioro...