InicioMOV. SOCIAISAsociacións en defensa de Palestina lanzan o libro 'Cantos de dor e...

Asociacións en defensa de Palestina lanzan o libro ‘Cantos de dor e liberdade’, con poemas e ilustracións de artistas galegas

A cultura galega mobilízase nun libro de solidariedade para apoiar á poboación refuxiada palestina, coa colaboración de 54 artistas locais

Publicado o

Xornal de Compostela

Sara Ashour, representante da AGA Jenin, e Anxela Gippini, da Asociación Galiza por Palestina presentaron hoxe a través dunha rolda de prensa o libro Cantos de dor e liberdade, voces galegas por Palestina, unha compilación de 42 poemas e 12 ilustracións de destacados artistas da cultura galega. Este libro é o resultado dunha colaboración entre varias organizacións galegas comprometidas coa paz e a liberdade palestina, entre as que se inclúen Galaico-Árabe Jenin, Galiza por Palestina, Mar de Lumes, e Pallasos en Rebeldía, así como o movemento BDS – Galiza.

O proxecto naceu coa intención dual de dar visibilidade á denuncia dos crimes do estado de Israel e recadar fondos para a UNRWA, a axencia das Nacións Unidas que asiste á poboación refuxiada de Palestina. “A resposta da cultura galega foi abafante: estes meses de traballo foron moitas as achegas e contactos para a preparación do proxecto, tantos e tantas que lamentamos se non puidemos atender todas as propostas.”, explicou Sara Ashour.

Os fondos recadados destinaranse á UNRWA, en recoñecemento ao seu traballo sostido en favor das refuxiadas e refuxiados palestinos. “A UNRWA é moito máis que unha organización de axuda ás refuxiadas palestinas, é a proba e a memoria da diáspora e a expulsión de millóns de persoas dos seus fogares, unha memoria das refuxiadas que algúns queren eliminar.”, sinalou Ashour, destacando a importancia de reivindicar e financiar o labor desta organización.

As presentacións do libro están programadas para ter lugar nas principais vilas e cidades galegas e en diversos festivais culturais, incluído o Festival de Poesía do Condado, dedicado este ano tamén a Palestina.

A publicación, realizada en colaboración coa editorial Tempo Galiza, foi coordinada por Ana Martíns, quen xestionou a recolección e corrección dos textos. A obra conta tamén co prólogo do profesor Carlos Aymerich Cano, destacando a relevancia cultural e política do proxecto.

ÚLTIMAS

Piden catro anos de cárcere para un home ao que interceptaron en Castrón Douro con 30 bolsas de cocaína

A Fiscalía pide catro anos de cárcere por un delito contra a saúde pública...

Bouza encabeza a lista do PSOE de Santiago ao congreso do PSdeG

O PSOE de Santiago elixiu á súa delegación para o 15º Congreso Nacional que o PSdeG...

Nace a Asociación Veciñal Pego-Sar para impulsar a vida comunitaria en Brión

Un grupo de corenta persoas constituíu oficialmente a Asociación Veciñal Pego-Sar tras unha asemblea...

Así era Compostela a finais do século XX vista dende o obxectivo de Manuel Chicharro

A Casa do Cabido acolle a mostra Compostela a Lupa. Manuel Chicharro Bisi entre...

Convocan unha concentración para esixir melloras na atención á dependencia

Comisións Obreiras (CCOO), o Colexio Oficial de Traballo Social (COTS) e o Sindicato Labrego...

UCIN alerta do aumento da delincuencia en Santiago e pide máis vixilancia

A Unión de Ciudadanos Independientes (UCIN) expresou a súa preocupación polo incremento da delincuencia...

Pacientes do CHUS denuncian as interminables listas de espera: “O sistema debería aliviar o noso sufrimento, non aumentalo”

A Asociación de Pacientes e Usuarios do CHUS celebrou esta pasada semana unha xornada...

LEAVE A REPLY

Please enter your comment!
Please enter your name here