InicioMOV. SOCIAISO PP de Santiago reclama a condena do BNG e CA tras...

O PP de Santiago reclama a condena do BNG e CA tras quedar o seu persoal encerrado na sede escoltado pola Policía Nacional

Os populares piden explicacións tras recibir a aviso de que a manifestación da CIG podería finalizar diante das súas instalacións

Publicado o

Xornal de Compostela

O Partido Popular de Santiago denunciou que parte do seu persoal permaneceu este 25 de novembro dentro da súa sede da rúa compostelá onde traballan, escoltado por efectivos da Policía Nacional, despois de coñecer que a manifestación convocada pola CIG con motivo do Día Internacional para a Eliminación da Violencia contra as Mulleres podería finalizar diante das instalacións da organización.

Segundo explicou o PP local, ao longo dos últimos días o sindicato difundiu carteis anunciando que a mobilización —baixo o lema ‘Retroceder en dereitos. Incrementa a violencia. Por unha Galicia con dereitos, traballo digno e igualdade’— remataría fronte á sede popular. A formación conservadora sostén que esa previsión xerou “preocupación” entre as traballadoras que estaban hoxe de servizo, xa que o acceso ao edificio quedou restrinxido pola presenza policial.

A concelleira María Baleato subliñou que varias empregadas tiveron que permanecer no interior, sinalando que a situación lles resultou “anómala”. Nesa liña, afirmou que “é unha total incoherencia que unha protesta a favor dos dereitos das mulleres teña como obxectivo protestar ante varias traballadoras que só están a facer as súas funcións”.

O PP compostelán solicitou así ao BNG e a Compostela Aberta que “condenen a actitude” da central sindical e que aclaren, en palabras da concelleira, “se lles parece normal que compañeiras estean pechadas na sede popular, protexidas por axentes antidisturbios”. A formación considera “fóra de lugar” a intención da CIG de situar o final da manifestación diante do edificio, á que Baleato cualificou de “esperpéntica”.

A mobilización convocada pola CIG inscribiuse no marco das protestas do 25N, unha xornada na que a capital galega acolleu diversas convocatorias reivindicativas polas rúas do centro da cidade.

UCIN TAMÉN CONDENA OS FEITOS

Pola súa banda, UCIN Galicia fixo pública a súa “firme condena” polos feitos, ao considerar que a elección da sede popular como punto final da mobilización xerou unha “tensión innecesaria”. A formación denunciou que as traballadoras tiveron que permanecer no interior “escoltadas pola Policía Nacional” e cualificou de “incoherente” que unha protesta en defensa das mulleres “se converta nun acto de presión” sobre empregadas que estaban a desempeñar o seu labor. O coordinador, José Luis Calo, lamentou tamén a presión denunciada por un xornalista de Radio Líder e pediu ao BNG, Compostela Aberta e ao resto de grupos que se pronuncien sobre o ocorrido e o condenen.

ÚLTIMAS

(FOTOS) Decenas de miles de persoas maniféstanse contra Altri e a Mina de Touro-O Pino

Decenas de miles de persoas participaron este domingo en Santiago de Compostela nunha manifestación...

A Policía Local de Santiago queda con só dous axentes na quenda da mañá do domingo tras varias indisposicións

A quenda da mañá deste domingo da Policía Local de Santiago de Compostela funcionou...

O Concello recibe as obras da nova praciña dos Loureiros e reabre ao tráfico a contorna

O Concello de Santiago deu por rematadas e recibidas as obras de construción dunha...

Santos Cerdán será citado como testemuña no xuízo pola expulsión dos catro edís socialistas de Santiago

O que fora secretario de Organización do Partido Socialista a nivel estatal, Santos Cerdán,...

(FOTOS) Decenas de miles de persoas maniféstanse contra Altri e a Mina de Touro-O Pino

Decenas de miles de persoas participaron este domingo en Santiago de Compostela nunha manifestación...

A mobilización contra o proxecto de Altri volverá percorrer Santiago este domingo con saída da Alameda

Santiago de Compostela acollerá este domingo, a partir das 12:00, unha nova mobilización contra...

A concelleira Marta Abal reclama actuacións urxentes en dous parques infantís de Santiago

A concelleira do Grupo Municipal Socialista de Santiago, Marta Abal, denunciou o estado de...

LEAVE A REPLY

Please enter your comment!
Please enter your name here