A CIG-Saúde de Santiago denunciou que a falta de medidas por parte da Xerencia da área sanitaria Santiago-Barbanza á hora de cubrir as ausencias do persoal sanitario está a provocar “sobrecarga de traballo e saturación dos servizos”.
Segundo trasladou o sindicato nunha nota de prensa, isto sumar “ao incumprimento da Lei xeral de Sanidade, ao non ofrecer un alto nivel de calidade asistencial e accesible para toda a poboación”.
Nesta liña, a CIG alertou que esta política de non cobertura obriga a asumir as prestacións asistenciais con menos persoal, coa consecuente “sobrecarga laboral e tensión física e psicolóxica”.
Así, puxeron como exemplo que hai centros de saúde onde cinco profesionais de enfermaría “realizan o traballo de sete, ou mesmo máis, ao asumir o seguimento das persoas usuarias das Unidades de Saúde Mental, por non cubrir o persoal destes servizos”.
Tamén, apuntaron que á “xa normalizada” falta de pediatras, médicos e Atención Primaria e persoal de enfermaría, engádese a non cobertura de matronas, fisioterapeutas, persoal técnico en coidados de enfermaría e mesmo de higienistas dentais; o que agrava as listas de espera para citas, probas diagnósticas e cirurxías, e afecta á calidade da atención sanitaria.
Ademais, denunciaron que se está reducindo “ao mínimo o servizo de fisioterapia nos centros de saúde”, xa que ao non haber coberturas de persoal de coidados de enfermaría, naqueles centros que contan con dous ou máis de lestes profesionais “unha persoa fai o traballo de varias, sen que exista ningún recoñecemento por asumir esa carga”.
Por iso, o sindicato esixiu que se dote a cada centro co cadro de persoal necesario e cúbranse as ausencias “para poder construír unha relación de confianza entre quen presta o servizo e quen o recibe, e garantir unha atención sanitaria de calidade”.
