InicioMOV. SOCIAISUCIN alerta do aumento da delincuencia en Santiago e pide máis vixilancia

UCIN alerta do aumento da delincuencia en Santiago e pide máis vixilancia

O partido reclama ao Concello medidas urxentes ante o incremento de roubos e conflitos nocturnos na cidade

Publicado o

Xornal de Compostela

A Unión de Ciudadanos Independientes (UCIN) expresou a súa preocupación polo incremento da delincuencia en Santiago de Compostela e instou ao Concello a reforzar as medidas de seguridade. O partido sostén que nos últimos meses aumentaron os roubos en vehículos e os conflitos nocturnos, o que, segundo afirman, xerou unha sensación de inseguridade na cidade.

Segundo os datos do Ministerio do Interior, entre xaneiro e setembro de 2024, a criminalidade en Santiago aumentou un 3,5 % respecto ao mesmo período de 2023. En particular, UCIN destaca como “especialmente preocupante” a suba dos delitos de lesións e riñas tumultuarias, que, segundo indican, seguen crecendo.

O portavoz de UCIN, José Luis Calo, manifestou a súa preocupación pola situación actual e advertiu sobre o impacto que pode ter na vida cotiá dos composteláns. “Non concebimos que os nosos fillos teñan medo de saír á rúa e ser asaltados en pleno centro da cidade”, afirmou, esixindo ao goberno municipal que tome medidas para deter o incremento da delincuencia.

DEMANDAS AO CONCELLO

Para facer fronte a esta situación, UCIN solicita ao goberno local a activación do sistema de cámaras de vixiancia na cidade para mellorar a supervisión en espazos públicos e un aumento do número de efectivos policiais, tanto da Policía Local como da Nacional, para reforzar a seguridade en rúas e barrios.

Desde UCIN subliñan que “é urxente” que o Concello actúe para previr situacións de risco e garantir a tranquilidade da cidadanía. O partido tamén fai un chamamento á colaboración entre administracións para dotar de máis recursos ás forzas de seguridade e “reverter a tendencia actual antes de que a situación empeore”.

Polo momento, o goberno municipal non se pronunciou sobre estas demandas, pero o debate sobre a seguridade cidadá segue a ser unha das principais preocupacións en Santiago de Compostela.

ÚLTIMAS

O empresario detido en Santiago está vinculado a unha rede de fraude na venda de bebidas alcohólicas

O empresario que foi detido pola Unidade Central Operativa (UCO) da Garda Civil o...

Galiza Nova protestará este vindeiro luns contra a Medalla de Ouro de Galicia da Xunta á princesa Leonor

Galiza Nova, organización xuvenil do BNG, protestará este luns, 14 de xullo, en Santiago...

A marca de bolsas e mochilas da USC aposta pola sustentabilidade por ser realizadas con lonas das súas exposicións

A Universidade de Santiago de Compostela (USC), presentou a súa nova marca de produtos...

Anuncian a aprobación inicial do Plan especial de infraestruturas e dotacións dun centro de hípica en Teo

O Diario Oficial de Galicia (DOG) publica este venres o anuncio da aprobación inicial...

Sumar insta á Xunta a declarar Santiago como zona tensionada ante a crise de vivenda

A chegada de xullo marcou, un ano máis, o inicio dunha das etapas máis...

GIG-Saúde denuncia “sobrecarga de traballo e saturación dos servizos” na área sanitaria

A CIG-Saúde de Santiago denunciou que a falta de medidas por parte da Xerencia...

O fiscal xefe de Santiago fará folga ante as reformas do Goberno

O fiscal xefe de Santiago, Antonio Roma, anunciou este luns durante o comezo dun...

LEAVE A REPLY

Please enter your comment!
Please enter your name here