Colpaso nos servizos de urxencias do CHUS. É a denuncia que fai a Asociación de Pacientes e Usuarios deste centro hospitaliario. Aconteceu o pasado 7 de outubro, ás 17:51 horas, cando 11 pacientes graves estiveron en cadeiras de rodas e padiolas ciscados nos corredores de acceso agardando a ser atendidos nas zonas de traballo. A esa hora 30 pacientes co ingreso asinado agardaban por unha cama en planta.
O día seguinte, martes 8 de outubro, “a situación empeorou de xeito moi preocupante“. Ás 15:38 horas eran 20 os pacientes colocados nos corredores e 34 os que tiñan o ingreso en planta sen cama asignada. Ese mesmo día ás 18:30 horas aínda 5 pacientes seguían no corredor.
Nun comunicado, esta asociación critica duramente á xerencia deste hospital porque “continúa ca inercia da anterior e está permitindo que se vulnere o dereito a intimidade e dignidade dos pacientes colocados en zonas de paso expostos a persoas que nada teñen que ver co servizo”.
Ver esta publicación en Instagram
“ALMACÉN DE PACIENTES”
“Séguese empregando o servizo de urxencias como un almacén de pacientes onde os que teñen o ingreso asinado en planta, non conta cas condicións materias necesarias que require a súa condición de persoa hospitalizada e que o servizo de urxencias non pode subministrar”, critica. Ao mesmo tempo advirte que pacientes graves que requiren atención urxente somos aparcados nos corredores en espera de recibir atención.
Segundo datos publicados na páxina web no “pulso do CHUS” nas últimas 24 horas foron atendidos 476 persoas. O nivel de ocupación das camas foi do 59 por 100 (897) sobre un total de 1511 dispoñibles. “Existe un exceso de capacidade dispoñible de 614 camas que na práctica permanecen pechadas mentres non se doten de persoal sanitario para ser ocupadas”, indica. A estas hai que engadir as plantas do Hospital Gil Casares que aínda hoxe seguen con obras paralizadas e que manteñen pechadas mais de 70 camas.
