A Garda Civil investiga a un veciño da Estrada, de 55 anos de idade, como presunto autor dos delitos de falsificación de documento público e de intrusismo laboral ao traballar de veterinario sen titulación en Ames .

En concreto, segundo explica a Benemérita, a investigación comezou tras a denuncia dun veterinario colexiado da comarca do Umia, o cal deu a voz de alarma ao atopar cartillas de vacinación de cánidos nas que se observaba o seu selo, os seus datos de colexiado e unha firma falsificada.

Tras diferentes pescudas, identificouse ao falso veterinario, veciño da Estrada con antecedentes policiais por outro tipo de feitos, que rexenta unha tenda de animais en Ames, onde fornecía vacinas carecendo da titulación necesaria para iso.

Así, o equipo EBIO da Garda Civil de Caldas e o Seprona de Vilagarcía investigan ao home, entregando dilixencias ao Xulgado de primeira instancia e instrución de garda de Santiago de Compostela, onde o home terá que comparecer cando sexa requirido.