HomeM. AMBIENTE E PATRIMONIOAsociacións galegas e do Camiño de Santiago rexeitan o proxecto de fábrica...

Asociacións galegas e do Camiño de Santiago rexeitan o proxecto de fábrica de fibras téxtiles de Altri en Lugo

Colectivos implicados no Camiño de Santiago denuncian unha ameaza ao patrimonio polo proxecto industrial e rexeitan as declaracións do presidente da Xunta

Publicado o

Por Xornal de Compostela

Varias asociacións galegas e vinculadas ao Camiño de Santiago calificaron o proxecto da fábrica de fibras téxtiles, proposto pola multinacional portuguesa Altri en Pas de Reis, como un “torpedo ao Camiño de Santiago”. A crítica foi exposta durante unha rolda de prensa organizada pola Fraternidade Internacional do Camiño de Santiago (FICS) e celebrada no Centro Internacional de Prensa de Galicia co lema ‘Na defensa do Patrimonio Material, Inmaterial e Natural do Camiño de Santiago’.

Os representantes das asociacións, como a plataforma A Ulloa Viva, Mina de Touro Non e a Asociación Galega de Albergues Privados, responderon ás afirmacións recentes do presidente da Xunta, Alfonso Rueda. Este afirmara no Parlamento que “non permitirá” que o futuro industrial de Galicia sexa decidido polo BNG e as súas organizacións satélites“, algo que as asociacións negaron con contundencia, aclarando que son “absolutamente independentes de todo” partido político.

O representante da FICS destacou a oposición crecente ao proxecto de Altri debido á súa “afección gravísima” ao Camiño de Santiago, mencionando problemas de proximidade física, contaminación potencial, e transformacións sociais e económicas, que inclúen a “eucalitización progresiva e irremediable” do territorio. Así mesmo, expresou un “rexeitamento absoluto” ás palabras do presidente Rueda, calificándoas de tentativa de desprestixiar a oposición ao proxecto.

Finalmente, o representante de A Ulloa Viva denunciou que o proxecto de Altri representa un “espolio ao Camiño de Santiago”, mentres que desde a Asociación Galega de Albergues Privados manifestaron a súa preocupación polo impacto negativo que a factoría tería sobre os peregrinos. As asociacións permanecen firmes na súa postura e seguen mobilizándose para protexer o Camiño e o patrimonio cultural e natural de Galicia fronte ao que consideran ameazas industriais.

ÚLTIMAS

Falece o mozo que sufriu unha caída de 8 metros nun rocódromo de Costa Vella

O mozo que sufriu, o pasado 17 de xuño, unha caída de oito metros...

Sufocado un incendio no interior dun alpendre en Teo

Sufocado o incendio no interior dun alpendre no núcleo de Calo, no concello coruñés...

Isto custa ir de Santiago a Coruña e Vigo pola AP-9

Todos aqueles galegos que están acostumados a empregar a carísima autopista AP-9 como vía...

A Xunta mantén o financiamento para o novo parque de bombeiros en Amio

A Xunta de Galicia confirmou que non se oporá ao cambio de localización do...

Revogado o Doutoramento en Xestión Sustentable da Terra e do Territorio da USC

O Diario Oficial de Galicia (DOG) publicou este luns a orde coas revogacións dun...

Científicos da USC lanzan un manifesto contra a “macrocelulosa” de Altri

Científicos dos departamentos de Botánica, Bioloxía e Zooloxía da Universidade de Santiago de Compostela...

O Departamento de Historia da Arte da USC alerta sobre os impactos do proxecto de Altri na Ulloa

O Departamento de Historia da Arte da Universidade de Santiago de Compostela expresou a...