InicioECONOMÍAComeza en Compostela un novo curso de aspirantes a maquinista

Comeza en Compostela un novo curso de aspirantes a maquinista

Vinte alumnos prepararanse no Centro de Formación de Renfe para obter a licenza e o diploma

Publicado o

Xornal de Compostela

Este mércores 18 de setembro arranca no Centro de Formación de Renfe en Santiago de Compostela un novo curso da Escola Técnica Profesional de Condución e Operacións (ETPCO) para aspirantes a maquinista. Vinte alumnos integran o grupo que se formará na capital galega, parte da XVIII Promoción do curso, no que participan un total de 300 alumnos en 11 campus de todo o país.

O obxectivo do curso, que rematará en xullo de 2025, é proporcionar a formación necesaria para que os alumnos obteñan a licenza e o diploma que lles permitirá exercer como maquinistas. O programa formativo inclúe un total de 1.150 horas, das que 250 horas serán dedicadas á condución efectiva de trens, unha experiencia práctica fundamental para a súa cualificación final.

Ademais de Santiago, o curso tamén se desenvolverá en cidades como Madrid, Barcelona, León, Sevilla, Valencia ou Oviedo. O Centro de Formación de Madrid é o que conta cun maior número de alumnos, con 75 aspirantes.

Para acceder ao curso, os participantes deben ter o título de Bacharelato ou de técnico de Formación Profesional e ter cumpridos 20 anos ao finalizar a formación. O Grupo Renfe ofrece tamén facilidades para a financiación do curso a través de entidades financeiras colaboradoras.

Con esta promoción, Renfe chegará a formar máis de 4.500 aspirantes a maquinista dende 2007, contribuíndo a cubrir as necesidades da súa plantilla e reforzando o seu equipo de profesionais cualificados no sector do transporte e da mobilidade.

ÚLTIMAS

O PP solicita ao Concello que instale pantallas na praza Roxa para ver a final da Eurocopa feminina

O grupo municipal do Partido Popular en Santiago de Compostela solicitou este venres ao...

O Comité de Expertos no Camiño avanza en Santiago na programación do Xacobeo 2027

O Pazo de Amarante, en Santiago de Compostela, acolleu esta semana unha nova sesión...

O Teatro Principal entrega a Alba de Compostela a catro referentes locais no Día da Patria Galega

O Teatro Principal de Santiago de Compostela acolleu este 25 de xullo un dos...

O misterio do Apóstolo: espiritualidade, estratexia e construción de Europa

Cada 25 de xullo, Galicia celebra o día do seu patrón, o Apóstolo Santiago....

Reunión do consello de administración do Consorcio de Santiago e a Xunta promete manter a súa achega para 2026

O Consorcio de Santiago de Compostela reuniu este xoves, véspera do 25 de xullo,...

Sanmartín xustifica a demora na taxa turística, alegando que “hai que escoitar ao sector”

A alcaldesa de Santiago, Goretti Sanmartín, xustificou este luns que o prazo para a...

Adxudicada á empresa OHLA a construción do futuro edificio de Farmacia da USC

A Universidade de Santiago de Compostela (USC) adxudicou a construción do futuro edificio que albergará a...

LEAVE A REPLY

Please enter your comment!
Please enter your name here