Un estudo elaborado polos investigadores da Rede Galabra das Universidades de Santiago, Vigo e Miño conclúe que nos últimos tres anos que os establecementos que máis abriron en Santiago foron os bares, cafetarías e restaurantes.

Pola súa banda, os anos de maior apertura de establecimeitnos comerciais produciuse durante os anos 2012 a 2019. Por tanto, reflíctese a necesidade de “compasar” a hostalaría e a restauración coa oferta comercial.

O estudo, baixo o título ‘Comerciantes, Visitantes e Comunidade local’ que foi presentado este mércores, realizaron un traballo de campo con 444 establecementos comerciais.

Así mesmo, segundo datos do estudo, os establecementos comerciais entrevistados na mostra indican que a súa clientela é predominantemente local mentres que os clientes visitantes non chegan ao 10%.

Tamén sinalaron que a estancia media en Santiago dos visitantes non é de máis de 48 horas e o gasto medio dos peregrinos rolda os 100 euros.

En canto aos “produtos estrela” que máis consomen destacan as pezas de vestir, alimentación, aloxamento ou habitacións e xoias ou complementos.

Por último, o estudo demostra que só o 23% dos visitantes que recibe Compostela son peregirnos, principalmente procedentes doutros lugares de España e que o 75% de quen visita a cidade usa Internet como fonte de información.

A presidenta da Cámara compostelá, María Pais, remarcou a importancia da actividade comercial para a economía de Santiago, en termos de creación de emprego e en achega ao VAB agregado, tanto de forma directa como a través do efecto multiplicador que xera na cadea de valor.

Neste sentido, subliñou que por cada 100 euros producidos polo sector comercial, xéranse 110 euros máis no resto das ramas da economía e por cada 100 postos de traballo dedicados ao comercio, xéranse 68 postos de traballo adicionais noutras industrias.