O delegado do Goberno en Galicia, Pedro Blanco, destacou o Xacobeo 2027 como unha “oportunidade para proxectar Galicia no mundo“, así como para “dinamizar a súa economía” e “pór en valor o seu patrimonio cultural e o Camiño de Santiago”.

Así o trasladou tras reunirse este mércores co comisario do Xacobeo 2027, Marcos Gómez, na que reafirmou o “compromiso” do Gobiernco central coa devandita celebración. Nesta liña, Blanco insistiu na necesidade de “traballar conxuntamente e sumar esforzos” coa Xunta na súa preparación, a través dunha “coordinación permanente e unha colaboración institucional leal”.