O próximo luns, 4 de novembro, ás 19:30 horas, o Ateneo de Santiago celebrará unha conferencia titulada ‘Diversas formas de habitar Santiago: cidade, territorio, paisaxe‘ no auditorio de Afundación, situado na Rúa do Vilar, 19. A encargada de impartila será a arquitecta e investigadora Cristina García Fontán, profesora na Escola Técnica Superior de Arquitectura da Universidade da Coruña.
A charla explorará os desafíos actuais que afrontan as cidades e propoñerá novas perspectivas sobre como habitar o territorio. Tomando a Santiago de Compostela como caso de estudo, García Fontán analizará temas como o cambio climático, a crise enerxética, a calidade do aire e a problemática da vivenda, aspectos fundamentais no urbanismo contemporáneo.
A conferenciante invitará a reflexionar sobre os límites e posibilidades do hábitat urbano, considerando tanto os condicionantes ambientais como as oportunidades de reorganización territorial que melloren a calidade de vida nas cidades.
Cristina García Fontán é doutora en Arquitectura pola Universidade da Coruña, onde dirixe o grupo de investigación Persoa-Ambiente. En 2023, foi recoñecida polo Colexio Oficial de Arquitectos de Galicia pola súa exposición ‘Paisaxes Incultas. Metamorfose do monte galego‘. Ademais, participa en proxectos internacionais como a New European Bauhaus en Bruxelas.
