O pasado sábado, 11 de maio, celebrouse en Ribadavia a cuarta xornada da Liga Galega de Karate. Nesta cita, a deportista amesá Olivia Parga obtivo a medalla de ouro na categoría kumite xuvenil.
Ademais, a deportistas do Milladoiro desprazouse ata A Coruña para participar na Karate 1 Youth League, a liga mundial de karate.
Recentemente participou tamén no Campionato de España de Karate celebrado en Guadalaxara, no que obtivo a medalla de bronce en kumite xuvenil en 37 kg, sendo unha das tres deportistas que alcanzou o metal de toda Galicia.
Parga, que actualmente ocupa o cuarto posto no ranking nacional, conseguiu no pasado mes de febreiro a medalla de ouro na I xornada da Liga Nacional celebrada en Ávila. Nos últimos tres anos foi campioa galega en kumite xuvenil.
