O Monbus Obradoiro acaba de incorporar ao seu equipo ao base norteamericano Devon Dotson, nun acto de presentación que tivo lugar no Multiusos Fontes do Sar. O evento contou coa presenza do presidente do club, Raúl López, membros do consello da entidade e o director deportivo, Eduardo Pascual, segundo informou a propia entidade.

Raúl López expresou a súa satisfacción pola fichaxe de Dotson, subliñando que “temos moitas esperanzas nel”. A oportunidade de incorporar a Dotson xurdiu xusto despois de presentar a outros xogadores, e a pesar do interese do xogador por unirse á NBA, finalmente decidiuse polo Monbus Obradoiro, destacando López o esforzo económico realizado para facer posible a súa chegada. “Confío en Dotson e sei que saldremos adiante”, afirmou López.

Eduardo Pascual, director deportivo, tamén fixo fincapé no interese que tiña o club en Dotson, describíndoo como “un bo defensor, un bo asistente e con puntos nas mans”, a pesar de non ser un excelente tirador. As súas capacidades físicas e explosivas engadirán valor ao equipo na recta final da tempada, durante a cal o Obradoiro buscará asegurar a súa permanencia na Liga Endesa.

Pola súa banda, Devon Dotson mostrouse entusiasmado coa súa primeira experiencia en Europa e comprometeuse a dar todo para axudar ao Monbus Obradoiro a alcanzar as vitorias necesarias. “Soy un jugador de equipo. Estoy dispuesto a hacer lo que tenga que hacer para ayudar al club”, declarou Dotson.

O novo fichaxe obradoirista tamén se referiu ao seu próximo debut no Derbi Galego, destacando a importancia deste encontro para a tempada. “Sé que es uno de los encuentros más importantes de la temporada, de una gran trascendencia”, indicou Dotson, mostrándose preparado para afrontar os desafíos que lle esperan na Liga Endesa e contribuír ao éxito do equipo desde o primeiro momento.