HomeDEPORTES(FOTOS) Así foi a carreira SantYaGo10K que percorreu as rúas do casco...

(FOTOS) Así foi a carreira SantYaGo10K que percorreu as rúas do casco histórico

Publicado o

Por David M. Sobrino Platas

Este pasado sábado tivo lugar a carreira SantYaGo10K, que dando inicio na rúa de San Francisco, percorreu o casco histórico da cidade de Santiago ata chegar, tras 10 kilómetros, á Praza do Obradoiro.

O gañador da categoría masculina deste ano foi Jorge Puig Malvar, que bateu o récord desta carreira cun tempo de 32 minutos exactos, seguido de Hugo García Souto, do club Portugalete, que rematou a carreira en 32 minutos e 1 segundo. O terceiro posto da competición recaeu en Yago Ignacio García Sainz, do Club Atletismo Santiago, cun tempo de 32:57.

Na categoría feminina, cun tempo de 38 minutos e 17 segundos, a gañadora foi Tina Fernández Barreiros, da SD Compostela Atletismo, seguida da ucraniana Karyna Yevtushenko, do clube Atletas de Acea de Ama, que rematou a carreira nun tempo de 40 minutos e 15 segundos. O terceito posto foi para Susanne Ewering, do Club Triatlón Tetúan de Madrid, cunha marca de 41 minutos e 3 segundos.

Pódense consultar todos os resultados na web de SantYaGo10k.

O CIRCUÍTO

O percorrido desta carreira, homologado pola Real Federación Española de Atletismo, tivo a saída na rúa San Francisco, xunto á Facultade de Medicina. Os atletas percorreron a continuación a rúa de Xoán XXIII, o Burgo das Nacións, a rúa de Vista Alegre e a rúa de Galeras, subindo a continuación pola rúa do Pombal até a Alameda. Posteriormente baixaron pola Carreira do Conde e atravesaron o Ensanche pola rúa de Montero Ríos, ata chegar á Praza de Galicia para continuar por Virxe da Cerca e a rúa das Rodas e entrar ao casco histórico pola Algalia de Abaixo.

Casas Reais, a Praza de Abastos, Mazarelos, o Convento de San Paio de Antealtares, a rúa Nova e a rúa do Vilar foron os últimos metros da carreira, ata chegar ao Obradoiro.

VER TODAS AS IMAXES

ÚLTIMAS

Falece o mozo que sufriu unha caída de 8 metros nun rocódromo de Costa Vella

O mozo que sufriu, o pasado 17 de xuño, unha caída de oito metros...

Sufocado un incendio no interior dun alpendre en Teo

Sufocado o incendio no interior dun alpendre no núcleo de Calo, no concello coruñés...

Isto custa ir de Santiago a Coruña e Vigo pola AP-9

Todos aqueles galegos que están acostumados a empregar a carísima autopista AP-9 como vía...

A Xunta mantén o financiamento para o novo parque de bombeiros en Amio

A Xunta de Galicia confirmou que non se oporá ao cambio de localización do...

Óscar Gil Vázquez, nova fichaxe da SD Compostela para a tempada 2024/25

Óscar Gil Vázquez (Moaña, 2001) é o novo reforzo da SD Compostela para a...

Tomeu Rigo únese ao Monbus Obradoiro tras unha destacada traxectoria no Bilbao Basket

O Monbus Obradoiro anunciou a incorporación do escolta Tomeu Rigo para a vindeira tempada...

Camiño pola diversidade: 75 quilómetros correndo a favor da inclusión que rematan na Praza do Obradoiro

A distancia é sempre relativa. Que son 75 quilómetros? Se é un traxecto que se...

LEAVE A REPLY

Please enter your comment!
Please enter your name here