O Club de Patinaxe Artística Brión acadou un destacado éxito no Campionato Galego de Grupos Show, celebrado os pasados días 1 e 2 de marzo en Vigo, ao conseguir a clasificación para o Campionato de España e a Copa de España en dúas categorías diferentes. O evento reuniu a numerosos clubs galegos que competían por facerse un oco nas citas estatais de abril en Reus e Alcoy.
Na xornada do sábado, o club brionés participou coa coreografía ‘Memento Mori‘ na categoría de Grupos Show Pequenos, onde se enfrontou a outros 15 clubs. O equipo logrou subirse ao terceiro caixón do podio, demostrando unha vez máis o seu bo nivel e preparación.
O domingo foi a quenda do Cuarteto Sénior, que co seu espectáculo ‘Letal‘ conseguiu o título de subcampioas galegas. Este segundo posto tamén lles permite competir no Campionato de España, repetindo a fazaña dos dous últimos anos.
O equipo técnico, formado por Natis e Andrea Mera, amosouse moi satisfeito co traballo das 12 patinadoras do club: Carla, Alba, Yaisa, Icía, Paula A, Leire, Paula M, Antía, Flavia, Zaira, Greta e Marta. As adestradoras destacaron a dedicación e o esforzo das deportistas durante os meses de preparación.
