InicioCULTURAComeza a tempada expositiva nas galerías de Santiago con novos traballos artísticos

Comeza a tempada expositiva nas galerías de Santiago con novos traballos artísticos

A iniciativa "Aberto 24" promove a arte contemporánea en nove galerías galegas con apoio da Xunta

Publicado o

Xornal de Compostela

A tempada expositiva das galerías de arte comezou este xoves en Santiago de Compostela, A Coruña e Vigo no marco do programa Aberto 24, impulsado pola Asociación de Galerías de Arte Contemporánea de Galicia co apoio da Xunta de Galicia. Esta iniciativa, que se estenderá mañá tamén a Ourense, ofrece a oportunidade de gozar da produción artística en nove galerías galegas, combinando traballos de artistas consagrados e noveles.

Durante o acto de inauguración, o director xeral de Cultura, Anxo M. Lorenzo, acompañou ás galerías compostelás Dupla, Luisa Pita, Trinta e Metro, que presentaron novas exposicións como “Inner Garden” da artista urbana Lula Goce, ‘Al otro lado del espejo’ de Fernando Suárez Reguera, ‘Amada’ de Juana González e ‘Tienes un gusto de mierda. Yo también’ de Suso Basterrechea. Lorenzo destacou a importancia de iniciativas como Aberto 24 para dar visibilidade á creación artística galega, agradecendo a implicación dos organizadores na promoción dos artistas locais.

O programa Aberto 24 inclúe tamén propostas artísticas noutras cidades galegas. Na Coruña, a galería Nordés expón ‘A pintura que mira’ do ourensán Ánxel Huete, Moret Art presenta ‘Fragilis’ de Iván Prieto, e Vilaseco ofrece ‘Las flores más caras’ de Eduardo Martín del Pozo. En Vigo, a galería PM8 acolle a mostra ‘Le Visage’ da artista lituana Elena Narbutaité, mentres que en Ourense, a galería Marisa Marimón abrirá mañá a exposición ‘Friccións’ da fotógrafa Ariadna Silva Fernández.

Con esta nova tempada, as galerías galegas poñen en marcha un ciclo que promove a diversidade de estilos e técnicas no ámbito da arte contemporánea.

ÚLTIMAS

Morre un pasaxeiro dun voo Tenerife-Notthingham que foi desviado a Santiago

Un voo que cubría a ruta Tenerife Sur-Notthingam foi desviado na tarde deste venres...

Dous feridos na colisión frontal entre dous coches e un camión nos arredores de Santiago

Dúas persoas resultaron feridas, unha delas de gravidade, na colisión frontal entre dous coches...

O PSdeG non ve a situación do PSOE santiagués como obstáculo para aprobar os orzamentos municipais

O portavoz da Executiva do PSdeG, Julio Torrado, rexeitou este venres que a situación...

A comunidade educativa galega reclama cambios na normativa lingüística no ensino

A comunidade educativa galega reuniuse hoxe en Santiago de Compostela para expresar a súa...

O Ateneo de Santiago analiza os avances no alzhéimer nunha conferencia con José María Prieto

O próximo luns, 17 de febreiro, ás 19:30 horas, o Ateneo de Santiago acollerá...

La M.O.D.A. actuará en Santiago o 29 de xaneiro de 2026

O grupo burgalés A Marabillosa Orquestra do Alcol (La M.O.D.A.) anunciou a súa nova xira para...

Compostela acolle as actuacións de mozos virtuosos da música clásica

O prestixioso concurso internacional de música clásica 'Goldene Note' (A Nota de Ouro), un dos...

LEAVE A REPLY

Please enter your comment!
Please enter your name here