InicioCULTURAA música en galego protagonizará as festas do Apóstolo, con cinema e...

A música en galego protagonizará as festas do Apóstolo, con cinema e videoxogos como grandes novidades

A Praza da Quintana e o Parque de Galeras acollerán actuacións de Dakidarría ou Carolina Rubiosa

Publicado o

Por Amanda Ferpe

As festas do Apóstolo, que se celebrarán en Santiago de Compostela entre os días 19 e 31 de xullo, contarán cunha aposta case íntegra pola música en galego coas actuacións de artistas como Dakidarría e Carolina Rubiosa, un festival de cinema e un espazo para videoxogos como novidades principais.

Nunha rolda de prensa ofrecida este mércores, a concelleira de Festas, Pilar Lueiro, explicou que a programación dos festexos pretende funcionar “como un escaparate para os artistas da comunidade” e ofrecer á cidadanía actividades “diversas e inclusivas” para todos os públicos.

Entre as novidades deste ano, destacou, baixo o título de ‘Cinema Fest’, a proxección de películas en diversos puntos da cidade, así como unha xornada sobre videoxogos que acollerá a Praza Roxa o día 20.

Como en anteriores ocasións, as actividades da programación desenvolveranse de forma descentralizada pola cidade. Dentro das localizacións seleccionadas para iso atópanse os parques da Alameda, Bonaval e Galeras, e as prazas de Mazarelos, a Quintana e o Obradoiro.

Neste sentido, a concelleira de Festas explicou que este ano volverá haber un “horario especial sen ruído”, os días 20, 27 e 30 de 17,00 a 19,00 horas” e varios puntos lilas. Con todo, o Consistorio aínda non deu a coñecer quen se encargará do pregón.

“Este venres convocaremos unha rolda de prensa para presentar á persoa que lerá o pregón e tamén anunciaremos unha última sorpresa de tipo musical”, sostivo.

CARTEL DAS FESTAS

O deseño da cartelaría deste ano é obra da ilustradora e muralista compostelá Lida Cao, quen non puido estar presente na presentación da programación ao atoparse de viaxe.

No entanto, durante a rolda de prensa, retransmitiuse un vídeo no que a propia artista explicou o que quixo representar na súa obra.

“A muller que encabeza o cartel responde ao importante número de mulleres artistas que participarán nas festas e os soportais son unha chiscadela aos lugares nos que se celebran”, explicou a artista.

PROGRAMACIÓN

A Praza da Quintana acollerá, entre outras, as actuacións de Dakidarría (venres 19), Harlem Gospel Travelers (martes 23), Maro (xoves 25) e Mercedes Peón (luns 29), así como o concerto da Real Filharmonía de Galicia (venres 26) e o da Banda Municipal (sábado 27).

A actuación de Carolina Rubiosa (sábado 27) terá lugar no Parque de Galeras. Un espazo no que se esperan a Malabesta (domingo 28), Capital Voskov (luns 29) e Apart (domingo 30).

A Festa Pícara, actividade por excelencia para todas as idades, tampouco faltará nesta edición, e celebrarase o martes 23 no Parque Eugenio Granell.

ÚLTIMAS

Buscan ao sospeitoso de provocar un incendio este martes á beira do cemiterio de Boisaca

A Policía Local de Santiago de Compostela busca ao sospeitoso de orixinar un incendio xunto ao...

O CHUS defende o aumento de ambulancias ante as queixas

O complexo hospitalario universitario de Santiago de Compostela (CHUS) defendeu o aumento de ambulancias...

A onda de calor actual “non supera a marca rexistrada” en Santiago de 40º en 1990

O coordinador científico do Observatorio Astronómico Ramón María Aller da Universidade de Santiago de...

Denunciados dous taxistas en Santiago por conducir baixo os efectos do alcol mentres levaban a pasaxeiros

A Garda Civil, a través do Subsector de Tráfico da Coruña, denunciou a dous...

O Festival C homenaxea a tradición oral galega co ciclo ‘Por que non cantades todas?’

O Festival C incorpora nesta edición unha nova proposta escénica centrada na tradición oral...

Melodiam, Slimak, Sara Gimeno e Lontras actúan esta semana no ciclo ‘Atardecer no Gaiás’

O ciclo 'Atardecer no Gaiás' continúa esta semana coa participación de catro propostas musicais...

O programa Apego leva contos, música e maxia ao parque de Bonaval durante todo agosto

Durante o mes de agosto, o parque de Bonaval converterase cada martes nun espazo...

LEAVE A REPLY

Please enter your comment!
Please enter your name here