InicioCULTURA'Bim, bam, bum', de María Girón, gaña o XVII Premio Internacional Compostela...

‘Bim, bam, bum’, de María Girón, gaña o XVII Premio Internacional Compostela de Álbums Ilustrados

A obra 'Voglio andare senza rotelle' de Tobias Giacomazzi foi finalista

Publicado o

Xornal de Compostela

A autora catalá María Girón foi a gañadora do XVII Premio Internacional Compostela de Álbum Ilustrado co proxecto titulado ‘Bim, bam, bum’. Ademais, a obra ‘Voglio andare senza rotelle’ de Tobias Giacomazzi foi finalista.

O premio, organizado pola editorial Kalandraka e o Concello de Santiago, conta cunha dotación económica de 9.000 euros e leva a publicación da obra gañadora en galego, catalán, eúscaro, castelán e portugués no mes de novembro.

‘Bim, bam, bum’ impúxose nunha edición do Premio Compostela á que se presentaron 218 proxectos procedentes de 22 países: España, Italia, Portugal, Canadá, China, Perú, Arxentina, Brasil, Rusia, Estados Unidos, Israel, México, Turquía, Ecuador, Alemaña, Irlanda, Francia, Dinamarca, Bélxica, Chipre, Colombia, Eslovenia e Chile.

Da obra gañadora, o xurado destacou a “frescura dunha historia que mostra a cara lúdica da infancia, na que a amizade é un compoñente esencial”.

Ademais, tamén subliñou a capacidade do proxecto gañador para evocar “a felicidade desa etapa da vida”. “O xogo, a liberdade, o movemento e o humor están presentes, tanto no texto como na ilustración”, engadiu. Segundo o fallo, o texto de María Girón é “sinxelo e musical” e “retoma elementos da tradición oral como os acumulativos, as repeticións e os xogos fonéticos”.

ÚLTIMAS

Piden catro anos de cárcere para un home ao que interceptaron en Castrón Douro con 30 bolsas de cocaína

A Fiscalía pide catro anos de cárcere por un delito contra a saúde pública...

Bouza encabeza a lista do PSOE de Santiago ao congreso do PSdeG

O PSOE de Santiago elixiu á súa delegación para o 15º Congreso Nacional que o PSdeG...

Nace a Asociación Veciñal Pego-Sar para impulsar a vida comunitaria en Brión

Un grupo de corenta persoas constituíu oficialmente a Asociación Veciñal Pego-Sar tras unha asemblea...

Así era Compostela a finais do século XX vista dende o obxectivo de Manuel Chicharro

A Casa do Cabido acolle a mostra Compostela a Lupa. Manuel Chicharro Bisi entre...

Así era Compostela a finais do século XX vista dende o obxectivo de Manuel Chicharro

A Casa do Cabido acolle a mostra Compostela a Lupa. Manuel Chicharro Bisi entre...

[VÍDEO] Sabela Hermida, actriz e bailarina: “Encarnamos personaxes universais do teatro clásico e moderno, dentro dun teatro derruído e sitiado”

Hoxe conversamos con Sabela Hermida, actriz e bailarina nada en Vigo pero con moita...

A USC presenta un libro sobre a primeira peregrinación erudita polo Camiño de Santiago

Os investigadores da Universidade de Santiago de Compostela, Miguel Taín e Patricia Fra, presentaron...