HomeCULTURAA artista Gloria Pavía sobre Santiago: “Estar rodeada de tanta creatividade fai...

A artista Gloria Pavía sobre Santiago: “Estar rodeada de tanta creatividade fai que chegues a casa e teñas ganas de crear”

Gloria Pavía cóntanos como comezou a formarse na arte e o papel esencial que xogou Santiago de Compostela nese proceso

Publicado o

Por María Rego de la Torre

Gloria Pavía (en Instagram @glopavia ou @globelivet na súa conta de ilustración) é unha artista e música emerxente, que ademais de vivir e crear na cidade compostelá, está moi inmersa no seu circuíto artístico.

Xornal de Compostela falou con ela para preguntarlle sobre a súa conexión coa cidade compostelá e a súa experiencia como artista.

Gloria empezou a interesarse pola música a raíz de ver unha serie de animación xaponesa chamada K-On, que trata sobre un grupo de nenas que tocan música no instituto e que inspiraron a Gloria porque “quería ser como elas”. Así, Gloria comezou a cantar e tocar o baixo para posteriormente apuntarse a clases de música. Foi nestas clases onde coñeceu a xente que lle ensinou o panorama artístico de Santiago, contando que descubriu “o que había na cidade”. “Flipei moitísimo co ambiente cultural”, sentenciou a artista.

Estar rodeada de tanta creatividade motivou a Gloria a querer crear, dicindo “cando vas a un concerto, ao final iso é unha fonte enorme de inspiración, e chegas a casa e tes ganas de crear”.

Gloria destaca o concepto de ‘gincana, que define como o circuíto entre concerto e concerto que se pode facer moitas noites en Santiago de Compostela grazas á súa grande oferta de música en directo. Desta forma, artistas e seguidores pasean xuntos as rúas da cidade, indo de bar en bar en comunidade, tomando algo e escoitando novas voces do panorama galego.

Bares como o Modus Vivendi ou Borriquita de Belém son algúns dos lugares que se poden visitar para desfrutar desta forma artística, puidendo atopar tamén a Gloria Pavía cantando neles de cando en vez.

Sobre a súa experiencia persoal na cidade, Gloria comentou que “é unha sorte o que temos aquí e é unha marabilla poder estar todos os días escoitando música en directo, e en xeral todo tipo de arte”. Asegura que a súa experiencia como artista “tería sido moi diferente se tivese vivido noutro sitio”.

Pavía non só sacou o ano pasado o seu primeiro EP, Novas Flores, senón que este ano gañou o premio Martín Códax da Música a Artista Emerxente, convertíndoa nunha voz a ter en conta no futuro musical de Santiago e de Galicia.

ÚLTIMAS

As vítimas do tren Alvia lembran o accidente 11 anos despois: “É demasiado tarde para pedirnos perdón”

Hoxe Xornal de Compostela fala con Jesús Dominguez, presidente da Asociación Plataforma Víctimas Alvia 04155,...

O acto de entrega das Medallas de Galicia destacan o sector audiovisual como “cada vez máis estratéxico”

O actor Luís Tosar, a produtora Zaza Ceballos e a Academia Galega do Audiovisual...

FOTOS: O Concello de Ames celebra o Día de Galicia e homenaxea ao deportista Borja Golán

O Pazo da Peregrina de Bertamiráns acolleu onte o acto institucional do Día de...

Nova protesta das vítimas de Angrois polas rúas de Santiago 11 anos despois do accidente

Decenas de vítimas e familiares do accidente do tren Alvia en Santiago --do cal...

O profesor universitario Vicente Vázquez Vidal gaña o premio Nortear de relato curto

Vicente Vázquez Vidal, escritor e profesor universitario nado en Melide no ano 1992, foi...

Revenidas Miúdo encherá o 28 de xullo o Monte do Gozo de música para nenos, xogos e espectáculos de maxia e monicreques

A segunda edición do festival Revenidas Miúdo encherá o vindeiro domingo, día 28 de...

Valentín García e Xosé Merelles presentan o Festival Revenidas Miúdo no Monte do Gozo

Valentín García, secretario xeral da Lingua, e Xosé Merelles, director de Turismo de Galicia,...

LEAVE A REPLY

Please enter your comment!
Please enter your name here