HomeCULTURAA SELIC mergúllanos no mundo de Rosa Aneiros e o jazz nun...

A SELIC mergúllanos no mundo de Rosa Aneiros e o jazz nun día cheo de cultura e letras

A SELIC acolleu numerosas presentación de libros e actividades relacionadas

Publicado o

Por Xornal de Compostela

A Semana do Libro de Compostela (SELIC) deuse cita este martes na carpa de eventos cunha vibrante combinación de música e narrativa que nos transportou momentaneamente a Nova York grazas aos toques jazzísticos dunha melodía. Pero, a xornada non tardou en volver ás raíces galegas con A noite das cebolas, a última novela da escritora Rosa Aneiros, cuxa protagonista, Abril Andrade, retorna a Galiza para reclamar un faro herdado e reconectar coa natureza. Aneiros, na súa conversa moderada por Eva Mejuto, explorou a busca dun “punto de vista honesto” para a protagonista, unha muller que se atopa consigo mesma “nese espazo sen expectativas”.

O evento, descrito por Mejuto como “unha festa”, foi enriquecido pola música dos acordeóns de André Labraña e Nuno Estévez, que interpretaron melodías que invitaban a reflexionar sobre o libro de Aneiros, unha obra que convida a “aprender a ver a vida e a morte doutro xeito”, usando o mar como poderosa metáfora da fortaleza e fragilidade da protagonista.

O espazo tamén acolleu O Fragor do urdido, un recital poético de F. X. Fernández Naval e Eva Veiga, que exploraron a vivencia do confinamento da pandemia. Xuntos, presentaron unha colección de cincuenta poemas que fusionan experiencias e inesperadas vivencias.

Ademais, o alumnado do IES de Brión tivo a oportunidade de aprender directamente da debuxante Xulia Pisón, mentres o paseo ‘O misterio das Gárgolas’, guiado por Benxamín Vázquez, confirmou a súa alta demanda cunhas prazas esgotadas ben antes do comezo do festival.

A diversidade de actividades continuou coa presentación de O señor H de Rosendo Cid, onde o autor mesturou reflexións sobre a escrita con ilustraciones que perfilan a un protagonista tan misterioso como a letra que o representa. Esta xornada cultural pechouse cunha firma de libros por Inma Soto, quen compartiu a súa obra Xela, a superheroína de aldea na Libraría Uróboros.

ÚLTIMAS

Desaparecido en Santiago un home do 93 anos, usuario dunha residencia de maiores

O operativo de busca para localizar a Aser Núñez Pazos, un home de 93...

Proxectos galegos de FP destacan na convocatoria estatal de innovación

Os proxectos 'Posta en marcha virtual con xemelgo dixital' do Centro Integrado de FP...

O PP de Santiago propón eliminar altos cargos do BNG para investir en turismo sostible e políticas sociais

No Partido Popular de Santiago propuxo un cambio na estrutura do goberno local, liderado...

O BNG lanza a campaña ‘A Forza deste País’ para o Día da Patria Galega

O Bloque Nacionalista Galego presentou a súa campaña para o 25 de xullo, Día de...

Santiago recibe a estudantes de múltiples países no marco dos cursos ‘Galego sen fronteiras’

Este mediodía, a alcaldesa de Santiago de Compostela, Goretti Sanmartín, recibiu no pazo de...

Lucía Freitas, chef con Estrela Michelín, dará o pregón das Festas do Apóstolo

As Festas do Apóstolo de Santiago de Compostela arrincarán o vindeiro venres, 19 de...

A música en galego protagonizará as festas do Apóstolo, con cinema e videoxogos como grandes novidades

As festas do Apóstolo, que se celebrarán en Santiago de Compostela entre os días...

LEAVE A REPLY

Please enter your comment!
Please enter your name here