HomeCULTURAO Museo Casa de la Troya retoma os roteiros culturais teatralizados por...

O Museo Casa de la Troya retoma os roteiros culturais teatralizados por Santiago

As visitas dramatizadas polo centro histórico comezan o 31 de maio e incluirán novas datas ata outubro

Publicado o

Por Xornal de Compostela

O Museo Casa de la Troya vai celebrar novos roteiros troyanos, visitas culturais teatralizadas polo centro histórico compostelán, en colaboración coa Deputación da Coruña. O primeiro terá lugar este venres, 31 de maio. Os seguintes están previstos para o 14 de xuño, o 26 de xullo, o 16 de agosto, os días 12 e 19 de setembro e os días 4 e 11 de outubro.

Esta iniciativa poñíase en marcha hai sete anos con grande éxito entre o público de todas as idades. Benigno Amor é o presidente da Asociación de Antiguos Tunos Compostelanos, entidade que xestiona o museo. Explica que “estes roteiros culturais dramatizados por diferentes rúas e prazas do casco antigo de Compostela buscan achegar aos participantes, de maneira amena e divertida, os feitos históricos relativos ao tempo no que transcorre a novela de Pérez Lugín La Casa de la Troya“. Durante o percorrido explícase como era a cidade entón, os usos sociais hoxe desaparecidos e tamén se afonda nas personaxes e anécdotas da época. “Retomamos deste xeito unha actividade cunha magnífica repercusión, que comezamos en 2017 co obxectivo de sacar o museo á rúa”, indica Amor.

Estes roteiros parten da praza de Mazarelos, ás 19:00 horas. O número máximo de participantes é de 15 persoas por roteiro e o prezo é de 5 euros. Para os menores de 16 anos é de 2 euros. Os interesados en participar nesta actividade deberán facer a súa reserva a través dos teléfonos (981 585 159 / 695 211 266) ou do correo electrónico do Museo (visitas@lacasadelatroya.gal).

O percorrido remata na Casa de la Troya, onde os asistentes terán a oportunidade de facer unha visita guiada pola vella pensión de estudantes. Cada roteiro ten unha duración aproximada de unha hora e media, finalizando sobre as 20:30 horas.

Estas visitas guiadas ofrecen a posibilidade de viaxar no tempo ata a Compostela de finais do século XIX da man de Casimiro Barcala, o estudante recreado por Pérez Lugín na súa novela; interpretado por Suso Martínez, historiador, guía turístico, divulgador e actor especializado na historia de Galicia. Nesta actividade combínase a información cultural e histórica co humor, vencellando os lugares que se visiten coa trama do libro.

Horarios do Museo

Nestas datas a Casa de la Troya abre de xoves a sábado, en horario de 11:00 a 14:00 e de 16:00 a 20:00 horas. Todas as visitas son conducidas polas guías do museo e teñen unha duración de entre 20 e 25 minutos, en grupos de dez persoas máximo.

ÚLTIMAS

Vítimas do accidente de Angrois volven concentrarse este mércores tras un ano á espera da sentenza

Vítimas do accidente do tren Alvia ocorrido na curva da Grandeira, no barrio compostelán...

Éxito rotundo das ‘Noites en Vela’ na Ponte Maceira con música e luz

A edición 2024 das 'Noites en Vela' celebrada na Ponte Maceira foi un éxito...

Santiago prepárase para o 25 de xullo coa Ofrenda ao Apóstolo e a Alba de Compostela como cerimonias principais

A capital galega prepárase para un 25 de xullo, Día Nacional de Galicia, que...

Científicos da USC lanzan un manifesto contra a “macrocelulosa” de Altri

Científicos dos departamentos de Botánica, Bioloxía e Zooloxía da Universidade de Santiago de Compostela...

O Gaiás amplía visitas comentadas ante a elevada demanda de ‘Unha vida viquinga’ e ‘Tesouros reais’

A Cidade da Cultura ampliou a oferta de visitas comentadas a dúas dos grandes...

Nove citas musicais imperdibles no Outono Códax Festival

O Outono Códax Festival quenta motorores para a súa próxima edición, cun cartel que contará con...

O Gran Prix das Carrilanas de Esteiro encherá Compostela de actividade e música este sábado

Este sábado, 20 de xullo de 2024, Esteiro (Muros) celebra a segunda xornada da...

LEAVE A REPLY

Please enter your comment!
Please enter your name here