A Festa do Banquete de Conxo cumpre hoxe a súa quinta edición e recrea así unha vez máis o popular xantar de confraternidade entre estudantes e artesáns de 1853.
A representación teatral deste ano deu comezo na praza do Toural, na que se reuniron moitos cidadáns de Compostela, moitos deles vestidos de época, xunto con membros das entidades e asociacións colaboradoras que levaron a cabo a representación teatral, acomapañada de música. Representaban así multitude de oficios e persoeiros, como o cura, a Garda Civil, a fidalguía ou as figuras de Rosalía de Castro e Eduardo Pondal.
Atraveraron así posteriormente a cidade ata Conxo, fando parada para continuar a súa representación teatral na Alameda, na rúa da Carreira do Conde, na Praza de Vigo, na avenida de Vilagarcía, no cruceiro de Sánchez Freire e na praza Aurelio Aguirre, onde interviu a pregoeira María Luísa López Otero, veciña de Marrozos. Finalmente, o desfile continuou baixando pola rúa de Ramón Baltar para adentrarse no bosque de Conxo e rematar na Carballeira, onde se celebrou a xa tradiciona romaría do Banquete de Conxo.
