O secretario xeral da Lingua, Valentín García, participou hoxe no pazo de San Roque, sede da Secretaría Xeral, sita na rúa de San Roque, na presentación da reedición da novela As chaves do tempo, de Luísa Villalta, escritora, docente e música a quen este ano se lle dedica o Día das Letras Galegas.
A editorial Cuarto de Inverno reedita esta novela, unha obra enmarcada nunha Galicia medieval e que se publicou por primeira vez no ano 2001. Valentín García puxo en valor que máis de vinte anos despois esta volver saír da prensa “mantendo intacta a súa actualidade”, nunha obra na que se abordan cuestións como a identidade, o feminismo, o amor ou a ambición.
