InicioCULTURACINEDUCA celebra a súa terceira edición en Santiago premiando a creatividade audiovisual...

CINEDUCA celebra a súa terceira edición en Santiago premiando a creatividade audiovisual dos centros educativos

Publicado o

Xornal de Compostela

A III Mostra Internacional de Cine e Educación, coñecida como CINEDUCA, lebada a cabo polo Ateneo de Santiago, puxo o seu punto final este 19 de marzo na sede Afundación da Rúa do Vilar, evento no que se recoñeceu o traballo dos centros educativos galegos a través da entrega de premios ás mellores curtametraxes. A inauguración do acto correu a cargo do director da mostra, Miguel Zabalza, quen expresou o seu agradecemento tanto aos centros participantes como ao xurado por dedicaren o seu esforzo e tempo a esta iniciativa.

Antón Porteiro, directivo do Ateneo de Santiago, foi o encargado de dar a coñecer os nomes dos traballos premiados. Durante a súa intervención, fixo especial mención a dúas curtametraxes: Marderedes, do IES Félix Muriel de Rianxo, destacada pola súa capacidade de mesturar a cultura dixital xove coas tradicións mariñeiras, e O Prestige 20 anos despois, do IES Urbano Lugrís de Malpica, recoñecida polo seu labor de recuperación da memoria dun desastre que marcou a comunidade galega.

A continuación, tiveron lugar as proxeccións das obras gañadoras e a entrega dos respectivos premios. O galardón principal, o Premio Ateneo Cineduca 2024, foi para Onde está Luísa? do IES Pintor Colmeiro de Silleda, un traballo que, segundo o presentador Fernando Redondo, achégase ao universo da poeta Luísa Villalta cun enfoque orixinal e divertido. Manuel López-Rivadulla, presidente do Ateneo, entregou o premio consistente en mil euros e unha peza conmemorativa ao director do centro, Xesús Fernández Sulleiro.

Os accésits, dotados con cincocentos euros cada un, foron para o IES Arcebispo Xelmírez I de Santiago de Compostela polo traballo Xogamos a estar vivas?, e para o CEIP Plurilingüe de Tenorio de Cerdedo-Cotobade pola curtametraxe O pasar do tempo, destacando en ambos casos o seu compromiso coa igualdade, xustiza e preservación da cultura rural. O acto concluíu coas palabras de López-Rivadulla, quen reiterou o compromiso do Ateneo de Santiago co fomento da cultura e a educación pública en Galicia.

ÚLTIMAS

Ernest Urtasun reivindica os investimentos culturais en Galicia e carga contra Feijóo e o PSOE

O candidato de Fronte Ampla, Paulo Carlos López, anunciou este luns en Santiago de...

Santiago multiplica os visados para construír vivendas: un crecemento do 405 % en nove meses

O visado de novas vivendas para construír en Santiago de Compostela disparouse un 405...

Santiago queda sen oito novas rutas aéreas a só dúas semanas da súa estrea: Flyyo non operará os voos comercializados por Fly2Galicia

A turoperadora Fly2Galicia anunciou a contratación da aeroliña portuguesa White Airways para operar, a...

Santiago pecha os parques municipais dende as 14:00 polo aviso amarelo por vento

Os parques municipais de Santiago de Compostela quedan pechados desde as 14:00 deste luns...

A galería DUPLA inaugura este venres ‘Un corpo propio’, unha exposición de Yolanda Dorda sobre o corpo feminino

A galería DUPLA de Santiago de Compostela, situada no número 9 da rúa Fonte...

Falece en Santiago o escritor e investigador Xaquín del Valle-Inclán aos 73 anos

O escritor, profesor e investigador Xaquín María del Valle-Inclán Alsina faleceu este luns, 9...

Dunha antena pendurada dun pau á UNESCO: os 30 anos do proxecto que uniu Galicia e Portugal a través da radio escolar

Houbo un tempo no que conectar dúas escolas separadas por unha fronteira requiría pouco...

LEAVE A REPLY

Please enter your comment!
Please enter your name here