O Festival Galicreques ofrecerá na súa 30ª edición un total de 16 funcións para o público escolar entre o 13 e o 17 de outubro deste ano.
Tal e como destacan nun comunicado, o programa escolar é unha dos “grandes acenos de identidade” de Galicreques, encontro de carácter internacional que aposta desde os seus inicios polo achegamento directo aos espectadores e pola creación de públicos.
A programación para o público xeral levará a cabo entre o sábado 11 de outubro e o domingo 19.
O Edificio da SGAE acollerá o luns 13 de outubro ás 10.30 horas a primeira función escolar deste 30º Festival Galicreques: ‘Pasmo de pedra’, estrea da compañía galega Mircromina. A actividade continuará ese mesmo luns na carpa da Alameda que Galicreques instala cada ano cunha obra coproducida polas formacións K’Paparota e Danthea Teatro: ‘Verán na lavandaría’. Teatro Escena representará tamén ese luns no Teatro Principal a peza ‘Buh! Que medo!’.
Durante o resto da semana, actuarán para o público escolar compañías como Monicreques Candelilla (Chile), Teatro La Estrella (Madrid), La Gotera de la Azotea (Andalucía), Agárrate Catalina (Arxentina), Roberto White (Arxentina), Zaches Teatro (Italia), Panta Rhei Antzerkia (Euskadi), Carmen Domech (Galicia), Txotxonguillo Taldea (Esukadi) e Fil de Guá (Cataluña).
