HomeCULTURA(VÍDEO) Exeria lanza novo EP e revoluciona o rock galego con influencias...

(VÍDEO) Exeria lanza novo EP e revoluciona o rock galego con influencias grunge e britpop

A banda galega combina novos estilos e gaña popularidade cunha axenda chea de concertos e lanzamentos innovadores

Publicado o

Por David M. Sobrino Platas

Exeria, a prometedora banda galega que está a revitalizar a escena do rock, vén de publicar o seu último traballo ‘Sobre a independencia‘, un EP composto por cinco temas novos. Este lanzamento, que chegou ao público en marzo, segue amosando a capacidade do grupo para fusionar xéneros tan diversos como o grunge e o britpop, introducindo unha innovadora fórmula musical que captura a atención tanto de novos oíntes como de fieis seguidores.

Portada de Sobre a independencia – Exeria

‘A Costa de Frades’, un dos temas destacados deste EP, conta xa cun videoclip producido por Trece Amarillo, recoñecidos no ámbito musical por traballar con artistas de renome como Tanxugueiras ou Carlos Núñez. Este videoclip, que acompaña á canción que probablemente se converte nun himno para os seus fans, serve como unha perfecta representación visual da enerxía e paixón que Exeria pon en cada interpretación.

O ano 2023 foi especialmente frutífero para Exeria. Despois de tocar en directo nas catro provincias galegas e de gañar o concurso de bandas Trece Roeis Fest, a banda non só consolidou o seu lugar no panorama musical galego, senón que tamén ampliou o seu repertorio con singles exitosos como ‘Un novo nome‘ e ‘Ata que sexamos reis‘, ambos acompañados de videoclips que foron moi ben recibidos pola crítica.

Este 2024 promete ser aínda máis emocionante para o grupo. Exeria foi seleccionada para participar nas Sesions de Sobremesa, un formato acústico e en directo que remite ao estilo ‘Tiny Desk’. Neste espazo, a banda presentará dúas cancións inéditas con arranxos influenciados pola música tradicional, unha mostra máis da súa constante evolución e experimentación con novos sons e estilos.

ACTUACIÓN ESTE SÁBADO

Este sábado poderemos ver en directo á banda na Gentalha do Pichel, sito na rúa de Santa Clara. O concerto dará comezo ás 21:30 e a entrada terá un prezo de 6 euros (5 euros para socias). Este será o debut da banda na cidade de Santiago, logo de ter xa actuado en Ourense a pasada semana, unha cidade onde este grupo xa acadou recoñecemento entre a comunidade da música rock.

Exeria ten programadas actuacións por moitos outros lugares de Galicia, percorrendo as catro provincias antes da fin deste ano, con actuacións en Vigo, Lalín, Lugo ou Redondela.

ÚLTIMAS

Sanmartín destaca o diálogo de Xunta e Goberno para o traslado de migrantes e reitera: “Santiago é acolledora”

A alcaldesa de Santiago, Goretti Sanmartín, celebrou o acordo entre a Xunta e o...

Como en anteriores ocasións, Feijóo estará o 25 de xullo na Ofrenda do Apóstolo

O líder do Partido Popular, Alberto Núñez Feijóo, participará o próximo 25 de xullo, Día de...

Nove citas musicais imperdibles no Outono Códax Festival

O Outono Códax Festival quenta motorores para a súa próxima edición, cun cartel que contará con...

O aluguer é o que máis tensiona o mercado da vivenda, segundo un estudo encargado polo Concello

O concelleiro de Urbanismo de Santiago, Iago Lestegás, informou este venres no pleno da...

Nove citas musicais imperdibles no Outono Códax Festival

O Outono Códax Festival quenta motorores para a súa próxima edición, cun cartel que contará con...

O Gran Prix das Carrilanas de Esteiro encherá Compostela de actividade e música este sábado

Este sábado, 20 de xullo de 2024, Esteiro (Muros) celebra a segunda xornada da...

Valentín García destaca o papel do galego no fenómeno Xacobeo durante a entrega do II Premio de Ensaio Camiño de Santiago

O secretario xeral da Lingua, Valentín García, puxo en relevo a importancia de aproveitar...

LEAVE A REPLY

Please enter your comment!
Please enter your name here