InicioCULTURAÁrea Central acollerá unha feira de minerais entre o 6 ao 9...

Área Central acollerá unha feira de minerais entre o 6 ao 9 de marzo

O evento reunirá máis de 30 expositores e contará con talleres educativos para escolares

Publicado o

Xornal de Compostela

A Feira de Minerais de Santiago regresa un ano máis ao Outlet Área Central, onde se celebrará entre os días 6 e 9 de marzo. Na súa undécima edición, esta cita consolidouse como unha das máis relevantes do sector en España e Portugal, converténdose nun punto de encontro para coleccionistas, afeccionados e persoas interesadas no mundo da mineraloxía.

Durante catro días, a coñecida esquina vermella de Área Central acollerá máis de 30 expositores e unha feira comercial de 150 metros lineais, onde se exporán unha ampla variedade de minerais, fósiles e pezas de xoiería procedentes de distintos países como España, Brasil e Marrocos. Ademais, entre os stands destacarase unha colección exclusiva de meteoritos.

ACTIVIDADES EDUCATIVAS E DIVULGATIVAS

A feira tamén terá un forte compoñente educativo, xa que nos días 6 e 7 de marzo, preto de 800 estudantes de Primaria e Secundaria de toda Galicia participarán en talleres didácticos e actividades interactivas, como o tradicional bateo de ouro.

Entre as novidades desta edición, destaca a participación de Áridos do Mendo, a única empresa galega dedicada á extracción de ouro, que impartirá un taller para os estudantes. Tamén estarán presentes o Grupo Mineralóxico Galego, organizando actividades sobre mineraloxía, fósiles e bateo de ouro, e a Escola de Minas e Enerxía da Universidade de Vigo, que ensinará técnicas de identificación de minerais.

O sábado 8 de marzo, a feira incluirá unha mesa de intercambio de minerais, aberta a todas as persoas interesadas en compartir e ampliar as súas coleccións. Ademais, ao longo do evento, os visitantes poderán acceder a material divulgativo e mostras de minerais procedentes de institucións como o Museo de Historia Natural de Santiago, o Museo de Minerais de Galicia en O Porriño e o Geoparque do Courel.

ÚLTIMAS

Santiago e Padrón avanzan nunha estratexia conxunta para regular o turismo e garantir o acceso á vivenda

A alcaldesa de Santiago de Compostela, Goretti Sanmartín, e o alcalde de Padrón, Anxo...

O río Tambre acolle este sábado a cuarta regata do circuíto provincial de piragüismo

A praia fluvial de Tapia será escenario este sábado, 9 de agosto, dunha nova...

O programa Apego leva contos, música e maxia ao parque de Bonaval durante todo agosto

Durante o mes de agosto, o parque de Bonaval converterase cada martes nun espazo...

O ‘Ames en Festas 2025’ reivindica a inclusión e a diversidade con pregoeiros de Arcea-Adames e da inmigración

O Milladoiro e Bertamiráns abriron as festas da Madalena e da Peregrina cun dobre...

O programa Apego leva contos, música e maxia ao parque de Bonaval durante todo agosto

Durante o mes de agosto, o parque de Bonaval converterase cada martes nun espazo...

O festival ‘Feito a Man’ celebra 22 anos de cultura nas rúas de Compostela con máis de 40 propostas musicais e escénicas

O mes de agosto volverá encherse de vida e cultura na zona vella de...

LEAVE A REPLY

Please enter your comment!
Please enter your name here