A Concellería de Mocidade de Ames lanzou un novo curso de lingua de signos (LSE) destinado á poboación moza do concello, no marco do programa formativo Lidera2. A formación, que se impartirá durante os meses de outubro e novembro na Casa da Cultura do Milladoiro, está dirixida a mozos e mozas entre 16 e 35 anos que xa posúan o nivel A1.1 de LSE e desexen continuar co nivel A1.2.
As clases terán lugar os días 4, 11, 18 e 25 de outubro, e 7, 14, 21, 26 e 28 de novembro, en horario de 16:30 a 19:30 horas, sumando un total de 30 horas lectivas. A formación seguirá o Marco Común Europeo de Referencia para as Linguas (MCER), consolidando as competencias viso-xestuais adquiridas previamente.
O prazo de inscrición estará aberto entre o 17 e o 22 de setembro. As persoas interesadas deben enviar a ficha de inscrición ao correo xuventude@concellodeames.gal. Hai 20 prazas dispoñibles, que se asignarán por orde de chegada das solicitudes. Se non se completan as prazas, poderá ampliarse a participación a maiores de idade empadroados en Ames.
