O Concello de Ames vén de presentar a súa completa programación infantil para os meses de outubro, novembro e decembro, que terá lugar nas bibliotecas de Milladoiro e Bertamiráns. O anuncio foi realizado nun acto ao que asistiron o alcalde de Ames, Blas García, e membros do departamento de Bibliotecas.
A programación comezará o 27 de setembro cun obradoiro de cómic impartido por Santy Gutiérrez na Casa da Cultura do Milladoiro. Ademais, durante o trimestre, celebraranse sesións de contacontos para nenos e nenas de 3 a 8 anos, como “Animais que mudan” en outubro e “Contos montruosos” en novembro. As actividades combinarán entretemento e aprendizaxe con temas como o medio ambiente ou a igualdade.
Os obradoiros para rapaces de 3º a 6º de primaria completan a oferta, destacando propostas como o taller de robótica e electrónica en novembro ou un obradoiro de manualidades de Nadal en decembro. As inscricións para participar son gratuítas pero con prazas limitadas, e os interesados poden reservar a súa praza a través do correo biblioteca@concellodeames.gal ou chamando ás bibliotecas municipais.
A campaña Superlectores tamén volve este ano, poñendo en valor aos usuarios máis fieis, tanto infantís como adultos, e con recoñecementos especiais para os lectores máis asiduos.
