O conselleiro de Educación, Ciencia, Universidades e FP, Román Rodríguez, deu a benvida este mércores ao Premio Nobel Klaus von Klitzing durante o encontro científico titulado “Física para o coñecemento e tecnoloxía”, que tivo lugar no Instituto de Materiais (iMatus), en Santiago de Compostela. Este evento enmárcase dentro do Programa ConCiencia, unha iniciativa de divulgación científica da USC, coordinada polo catedrático de Electromagnetismo, Jorge Mira.
Klaus von Klitzing, físico e profesor universitario alemán, recibiu o Premio Nobel de Física polo seu descubrimento do efecto Hall cuantificado, unha achega fundamental no campo da física cuántica. O programa ConCiencia ten como obxectivo achegar persoas galardoadas co Nobel á capital galega, co fin de reforzar o papel de Galicia como referente no ámbito científico internacional.
