O presidente da Asociación de Veciños Río Sarela, Joan Brokenbrow, expresou a súa preocupación e malestar ante a posible reapertura da sala Malatesta. Segundo Brokenbrow, os residentes do barrio de San Lourenzo están “nerviosos” porque prevén que a sala provocará un aumento das molestias nocturnas, reducendo o descanso a “só tres días á semana”, como asegura que viña pasando antes de que se pechase.
Brokenbrow criticou duramente á alcaldesa Goretti Sanmartín por, segundo el, priorizar o ocio nocturno sobre as necesidades dos habitantes da cidade. Indicou que “non é a cidade que lles prometía” e sorprendeulle a declaración da rexedora sobre a supervisión das obras que debe realizar a sala, afirmando que a propiedade ten que cumplir coas esixencias do Concello antes da súa apertura.
O líder veciñal tamén destacou que, a pesar das medidas de insonorización que se poidan tomar, “a rapazada seguirá montando follón no exterior”. Enfatizou que as vibracións, máis que o ruído, representan o verdadeiro problema para os veciños e invitou á alcaldesa a “pasar unha fin de semana no barrio” para comprobar de primeira man as queixas.
A Asociación de Veciños de San Lourenzo sostén asemade que establecementos de ocio nocturno como a sala Malatesta non deberían ubicarse en áreas residenciais. Brokenbrow propuxo seguir o exemplo de casos como o de Portugal, onde estes locais se localizan en zonas industriais, afastados das áreas habitacionais.
