A concelleira do Partido Popular, María Baleato, expresou hoxe o seu rexeitamento á oposición do BNG á senda peonil que conectará a estación Intermodal de Santiago co Milladoiro. Baleato considera que esta infraestructura, cun investimento de 13 millóns de euros, é esencial para a modernización do transporte na área e lamenta que a negativa dos nacionalistas responda a “cuestións políticas”.
Baleato subliñou que a senda, que beneficia tanto a Santiago como ao seu arredores, “representa un avance importante para a mobilidade na capital de Galicia e o seu contorno”. A edil popular tamén destacou que a oposición do BNG ao proxecto “é unha cuestión política”, xa que “coñecen sobradamente a importancia desta infraestrutura, pero rexeítana por ser unha proposta do líder do PP local, Borja Verea”.
A concelleira desmentiu as afirmacións do BNG sobre o informe de Patrimonio Cultural, que segundo ela, “é favorable ao paso da vía polo barrio de Conxo”. En resposta ás críticas dos nacionalistas, Baleato defendeu que o proxecto “é o mellor exemplo do que pode conseguir un goberno liderado por Verea, que conseguiu para esta senda peonil unha significativa inversión”.
Finalmente, Baleato acusou ao BNG e aos seus socios de “decepcionar aos veciños e veciñas de Compostela”, afirmando que opoñerse a esta vía é “renunciar a un futuro verde, sostible e alternativo” para a cidade.
