O ciclo Atardecer no Gaiás, promovido pola Consellería de Lingua, Cultura e Xuventude, continúa esta semana con novos talentos musicais. Este xoves 15 de agosto, a Praza Central da Cidade da Cultura en Santiago de Compostela acollerá á banda galega Alana. O grupo, gañador da categoría de Música no último certame Xuventude CREA, presentará o seu disco debut, O xeito á cántigha. Este álbum combina cancións tradicionais galegas con arranxos electrónicos e influencias de pop.
Ao día seguinte, o venres 16 de agosto, será o turno de Carrera Blanca, un grupo madrileño revelación no Festival Contempopranea 2023. O concerto será o primeiro do grupo en Galicia e incluirá pezas do seu repertorio actual, como “Adulto funcional” e “Mis amigas”, dentro do estilo que definen como cuquipunki.
Ambos os concertos comezarán ás 21:00 horas e a entrada será libre e de balde.
Ata a data, case 3.500 persoas asistiron ás actuacións da décimo cuarta edición de Atardecer no Gaiás. Este ciclo, consolidado como unha cita importante no verán galego, pechará cunha serie de actuacións de artistas como Bewis de la Rosa, ALARIDO, Santi Araújo e Rocío Saiz. O ciclo conta co apoio de Cervezas Alhambra e forma parte da campaña CulturON organizada pola Consellería de Cultura, Lingua e Xuventude.
