InicioSANTIAGOAMESA Aula da Natureza organiza campamentos de verán para 60 rapaces en...

A Aula da Natureza organiza campamentos de verán para 60 rapaces en Ames

Trátase dun completo programa con actividades lúdicas e ambientais en dúas quendas durante o mes de xullo

Publicado o

Xornal de Compostela

A Aula da Natureza de Ames acolleu un ano máis os campamentos de verán, proporcionando a 60 nenos e nenas unha alternativa para desfrutar das vacacións a través de diversas actividades na natureza. Durante o mes de xullo, organizáronse obradoiros ambientais, saídas e xornadas lúdicas, dirixidas a rapaces de entre 6 e 16 anos.

Esta programación municipal de campamentos incluíu dúas quendas que se levaron a cabo nas instalacións da Aula da Natureza, na Ameixenda: do 1 ao 12 de xullo, e do 14 ao 26 de xullo. O horario dos campamentos foi de 11:00 a 17:30 horas e ofreceuse un servizo de autobús desde Milladoiro e Bertamiráns. Ademais da responsable municipal da Aula da Natureza, participaron catro monitores de tempo libre formados polos cursos da Concellería de Mocidade.

ACTIVIDADES DOS CAMPAMENTOS URBANOS

Durante os campamentos, os nenos e nenas participaron nunha variedade de actividades. Entre elas, destacaron un obradoiro de tintas naturais onde crearon debuxos de acuarela con tintas extraídas de vexetais como espinacas, col lombarda e cenoria. Tamén elaboraron reloxos de area a partir de botellas de plástico e realizaron manualidades de macramé. Ademais, construíron un refuxio con materiais recollidos no monte.

As excursións foron outro punto forte do programa. Os participantes fixeron unha saída pola Ruta dos Cabaliños do Demo, gozaron dunha mañá na praia fluvial de Tapia con xogos e baños no río Tambre, e visitaron a praia de Cabio para coñecer a vida mariñeira. Unha das novidades deste ano foi a actividade dos cinco continentes, onde os rapaces, divididos en equipos, representaron a distintos continentes mediante vestimentas, danzas, cancións e comidas típicas.

UNHA APOSTA POLA EDUCACIÓN AMBIENTAL

Estes campamentos ofrecen aos nenos e nenas a oportunidade de aprender sobre o medio natural e rural mentres se divirten e fan novas amizades. A través destas actividades, a Aula da Natureza busca fomentar a conciencia ambiental e o respecto pola natureza entre os máis novos.

ÚLTIMAS

O Concello executará obras no CEIP Quiroga Palacios e destina 300.000 euros ao mantemento dos centros escolares

A concelleira de Educación de Santiago, Míriam Louzao, presidiu este xoves unha nova sesión...

O Obradoiro acolle un acto en memoria das 66.519 persoas refuxiadas falecidas nos últimos tres anos

A Praza do Obradoiro foi escenario este xoves da conmemoración do Día Mundial das...

A cidade histórica perde comercio de barrio mentres medra o negocio turístico: os datos que explican a nova regulación en Santiago

A nova normativa urbanística aprobada inicialmente polo Concello de Santiago chega nun momento crítico...

Crearanse máis de 200 novas vivendas de promoción pública en Ames

A conselleira de Vivenda e Planificación de Infraestruturas, María Martínez Allegue, visitou este venres...

Crearanse máis de 200 novas vivendas de promoción pública en Ames

A conselleira de Vivenda e Planificación de Infraestruturas, María Martínez Allegue, visitou este venres...

Blas García defende a estabilidade e os avances do goberno de Ames no ecuador do mandato

O Goberno municipal de Ames fixo este luns un balance dos dous primeiros anos...

O alcalde de Ames insiste en pedir eleccións en 2025 para que o PSOE poida “preservar” os concellos

O alcalde de Ames, o socialista Blas García, volveuse a mostrar este luns partidario de...

LEAVE A REPLY

Please enter your comment!
Please enter your name here