InicioSANTIAGOVEDRAA Subdelegada do Goberno celebra o triunfo de Augardentes de Galicia no...

A Subdelegada do Goberno celebra o triunfo de Augardentes de Galicia no Premio Nacional

María Rivas eloxiou a empresa pola súa calidade e compromiso co sector, animando a outras empresas a aproveitar os fondos do Plan de Recuperación

Publicado o

Xornal de Compostela

A subdelegada do Goberno na Coruña, María Rivas, certificou recentemente en Augardentes de Galicia a calidade do sector galego, tras acadar a firma o recoñecemento como mellor bebida espirituosa de España polo Ministerio de Agricultura, Pesca e Alimentación. María Rivas felicitou á empresa desde as súas instalacións en Vedra, que visitou acompañada do alcalde de Vedra, Carlos Martínez, e de Miguel Ángel Gómez, xerente da empresa.

María Rivas eloxiou o bo traballo da empresa, que puido comprobar durante a visita. Non en van, Augardentes de Galicia foi galardoada polo seu arraigo local, uso de materias primas tradicionais, esforzo en comercialización e exportación, e investimento e aposta sen dúbidas pola investigación e o desenvolvemento do seu modelo de negocio e produción; segundo o fallo do xurado deste premio.

Seguindo o exemplo de Augardentes de Galicia, a subdelegada animou a todo o sector a impulsar os seus negocios a través dos fondos do Plan de Recuperación, Transformación e Resiliencia, e máis concretamente a través do Perte Agroalimentario, “a través do que se reafirma co sector o compromiso concreto do Goberno, que estivo ao seu carón nos momentos máis duros da pandemia ou da guerra de Ucraína e que quere seguir estándoo para impulsar o seu futuro”.

Ao respecto deste plan de axudas e préstamos, María Rivas lembrou que o Goberno apostou polo sector en Galicia ao achegar máis de 14 millóns de euros ás súas empresas transformadoras e innovadoras. Ademais, indicou que está en marcha unha nova convocatoria dotada con 300 millóns de euros, co obxectivo de que as empresas podan seguir a fortalecerse, avancen na dixitalización dos seus procesos produtivos e poidan situarse á vangarda do sector.

PREMIOS ALIMENTOS DE ESPAÑA

Os Premios Alimentos de España buscan promover e estimular aos diferentes elementos da cadea alimentaria, recoñecendo o esforzo na comercialización, innovación e desenvolvemento rural a través da sostibilidade e da elaboración de produtos de calidade. No caso de Augardentes de Galicia, a través do seu produto Augardente Vedra do Ulla, o premio foi concedido ex aequo xunto a pacharán navarro Besarana Etiqueta Negra.

Augardentes de Galicia, S.A. nace en 1992 coa intención de elaborar destilados e licores, apostando desde o principio pola calidade, o emprego de materias primas autóctonas e a innovación para preservar a arte da destilación en Galicia, incorporando no proceso de destilación auga do Río Ulla. Estes valores e accións levárona ata o galardón que acaban de recibir.

ÚLTIMAS

Os incendios tamén se notan no Camiño de Santiago: cinza, fume e dificultades para respirar

Fume, cinzas que caen do ceo, tramos cortados e preocupación pola volta a casa...

Detido un menor acusado de causar varios incendios en Compostela

Un menor foi detido en Santiago de Compostela acusado de provocar varios incendios na...

O Milladoiro acolle este xoves a segunda andaina do programa ‘Camiñando no solpor’

O Concello de Ames, a través da súa Concellaría de Deportes e Promoción da...

A alcaldesa pide á Xunta reforzar a prevención ante os incendios

A alcaldesa de Santiago, Goretti Sanmartín, apelou hoxe á importancia de poñer o foco...

O Xeodestino Terras de Santiago publica os seus primeiros mapas turísticos para promocionar os once concellos do territorio

O Xeodestino Terras de Santiago vén de dar un paso importante na súa estratexia...

Os alcaldes de Boqueixón e Vedra visitan o campo internacional de voluntariado no Pico Sacro

Os alcaldes de Boqueixón, Ovidio Rodeiro, e Vedra, Carlos Martínez, achegáronse esta semana ata...

A piscina de Vedra abre este martes para a tempada de verán 2025

A piscina municipal de Vedra, situada no lugar de Fornelos, abrirá as súas portas...

LEAVE A REPLY

Please enter your comment!
Please enter your name here