InicioCULTURAO Museo Gaiás inaugura o venres unha exposición sobre cultura viquinga con...

O Museo Gaiás inaugura o venres unha exposición sobre cultura viquinga con pezas arqueolóxicas únicas

A través dun enfoque narrativo novo, explora aspectos como a participación das mulleres e, non só dos homes, nas campañas guerreiras ou a mestura con pobos de puntos como o norte de África ou o sur de Europa, entre outros.

Publicado o

Xornal de Compostela

A Cidade da Cultura inaugurará este venres 12 de xullo unha exposición sobre cultura viquinga con pezas arqueolóxicas únicas prestadas por ata 13 institucións e coleccións cedentes de obra, entre eles museos nacionais de Historia e Arqueoloxía de Suecia, Dinamarca, Francia e España. Co título ‘Unha vida viquinga’, a exposición articula un relato “máis rico e diverso” sobre esta cultura escandinava. Así, segundo detallou a Xunta nunha nota de prensa, apoiándose nas investigacións históricas máis recentes, cuestiona estereotipos que rodean este pobo, ampliando a imaxe que os presenta como bárbaros violentos.

A través dun enfoque narrativo novo, explora aspectos como a participación das mulleres e, non só dos homes, nas campañas guerreiras ou a mestura con pobos de puntos como o norte de África ou o sur de Europa, entre outros. A exposición, que o público poderá visitar no Museo Gaiás a partir do venres e ata xaneiro de 2025 de maneira grauita, está comisariada pola doutora Irene García Losquiño, investigadora da USC e especialista en cultura viquinga.

Xunto a ela, destacou o Executivo autonómico, o proxecto vén avalado por un comité científico internacional con algunhas das autoridades máis respectadas neste campo, como o catedrático de Arqueoloxía da Universidade de Uppsala, Neil Price; a tamén profesora da Universidade de Uppsala, Charlotte Hendenstierna-Jonson; ou a catedrática de Arqueoloxía Medieval da University of Highlands and Islands, Alexandra Sanmark.

Ademais, ‘Unha vida viquinga’ achégase tamén ás incursións escandinavas en Galicia entre os séculos IX e XII, profundando no seu impacto na súa historia e mostrando pezas que pretenden axudar a entender como esta civilización se estendeu polo continente europeo, e máis aló das súas fronteiras, e deixou tamén a súa pegada en Galicia, en forma de vestixios no patrimonio material e inmaterial, por exemplo en zonas como a ría de Arousa, a ribeira do Ulla ou a Mariña lucense.

ÚLTIMAS

Unha nai leva o seu fillo ao hospital en taxi por falta de servizo médico permanente no aeroporto de Santiago

Un neno tivo que ser desembarcado dun avión no aeroporto de Santiago de Compostela...

O sector cultural compostelán recibe preto de 266.000 euros en subvencións municipais

A Concellaría de Capital Cultural, dirixida por Míriam Louzao, aprobou a concesión de preto...

A galería Araguaney inaugura a exposición ‘Ecos de terra e ritmo’ de Lola Saavedra

A galería de arte da Fundación Araguaney-Puente de Culturas, situada no Hotel Eurostars Araguaney...

Ames pecha agosto con música, deporte e propostas culturais en distintas parroquias

O mes de agosto remata en Ames cunha intensa programación cultural e deportiva impulsada...

O sector cultural compostelán recibe preto de 266.000 euros en subvencións municipais

A Concellaría de Capital Cultural, dirixida por Míriam Louzao, aprobou a concesión de preto...

A galería Araguaney inaugura a exposición ‘Ecos de terra e ritmo’ de Lola Saavedra

A galería de arte da Fundación Araguaney-Puente de Culturas, situada no Hotel Eurostars Araguaney...

O WOS Festival activa a venda de entradas de día tras esgotar os abonos

O WOS Festival x SON Estrella Galicia abriu hoxe a venda de entradas de...