InicioMOV. SOCIAISA Asociación de Pacientes e Usuarios do CHUS cuestiona a revisión dos...

A Asociación de Pacientes e Usuarios do CHUS cuestiona a revisión dos protocolos oncolóxicos proposta pola Consellería de Sanidade

Consideran que esta estratexia obedece máis a unha falta de medios que a unha estratexia clínica beneficosa para os pacientes

Publicado o

Xornal de Compostela

Ante a recente anuncio do conselleiro de Sanidade sobre a proposta dun novo protocolo que axustaría o número de consultas oncolóxicas segundo a agresividade dos tumores, a Asociación de Pacientes e Usuarios do CHUS expresou a súa preocupación pública. A través dun comunicado, a asociación critica a adaptación dos seguimentos oncolóxicos que se está implementando desde outubro de 2022 no CHUS, por considerar que obedece máis a unha falta de medios que a unha estratexia clínica beneficosa para os pacientes.

Desde a asociación explican que “o seguimento oncolóxico debe fundamentarse no principio de prudencia, cubrindo todas as necesidades derivadas dos riscos relacionados coa enfermidade e proporcionando soporte psicolóxico e rehabilitador esencial”. Ademais, alertan sobre o risco de que os cambios propostos no protocolo poidan converterse nunha forma de xestión que pretende “reducir a intensidade da atención” debido a recursos sanitarios insuficientes, o que podería comprometer seriamente a saúde dos pacientes.

O colectivo tamén mostrou a súa inquietude pola coincidencia temporal entre a revisión dos protocolos e a demora nas consultas debido á falta de persoal especializado, un problema que o propio Conselleiro recoñeceu durante unha reunión coa asociación o 6 de maio. Este contexto alimenta o temor de que as modificacións propostas non estean realmente baseadas en criterios científicos establecidos, senón en necesidades administrativas e económicas inmediatas.

Ademais, a Asociación de Pacientes e Usuarios do CHUS urxe a supresión do sistema de axendas dinámicas ou sistema de “buzón”, que permite que os pacientes saian das consultas de control sen cita programada para a seguinte visita, en contra da Orde da Consellería de Sanidade de 14 de xullo de 2004. Este sistema, segundo a asociación, crea un estado de incerteza e abandono asistencial que pode afectar negativamente ao proceso de curación dos pacientes. Por todo isto, solicitan un retorno aos protocolos baseados en consensos científicos claros e ao principio de estabilidade das axendas para garantir unha atención adecuada e continua.

ÚLTIMAS

O PP solicita ao Concello que instale pantallas na praza Roxa para ver a final da Eurocopa feminina

O grupo municipal do Partido Popular en Santiago de Compostela solicitou este venres ao...

O Comité de Expertos no Camiño avanza en Santiago na programación do Xacobeo 2027

O Pazo de Amarante, en Santiago de Compostela, acolleu esta semana unha nova sesión...

O Teatro Principal entrega a Alba de Compostela a catro referentes locais no Día da Patria Galega

O Teatro Principal de Santiago de Compostela acolleu este 25 de xullo un dos...

O misterio do Apóstolo: espiritualidade, estratexia e construción de Europa

Cada 25 de xullo, Galicia celebra o día do seu patrón, o Apóstolo Santiago....

Vítimas do accidente de Angrois denuncian que “o Estado non resposta” nin asumiu “ningunha responsabilidade”

A plataforma de vítimas do accidente do tren Alvia ocorrido en Angrois en xullo de 2013...

Vítimas de Angrois esixen un novo informe sobre o accidente do que só se culpa ao maquinista doce anos despois

Vítimas do descarrilamento do tren Alvia ocorrido en Angrois (Santiago) en xullo de 2013...

Artistas galegos promoven un acto por Palestina con música, cinema e poesía na Oficina Rúa

O espazo Oficina Rúa, na rúa San Pedro de Santiago de Compostela, acollerá o...

LEAVE A REPLY

Please enter your comment!
Please enter your name here