O Concello de Ames, a través da Concellaría de Benestar Social, colabora na organización dunha charla informativa para persoas migrantes titulada ‘Formación sobre estranxeiría 2024. Actualización das principais vías de regularización’. A actividade, que é gratuíta, terá lugar na Casa da Cultura do Milladoiro o venres 31 de maio, en horario de 19:30 a 21:30.
Esta iniciativa está financiada pola Consellería de Política Social e Xuventude e Médicos do Mundo. Tamén conta coa colaboración da Asociación Sociocultural de Venezolanos en Santiago de Compostela (AVESANTI) e o Concello de Ames. Para participar, é necesario chamar ao número de teléfono 981 53 59 41.
A charla permitirá ás persoas migrantes coñecer as diferentes e actuais oportunidades de regularizar a súa situación en España. Ademais, ofrecerá información sobre os diferentes accesos ao sistema sanitario español.
