Unha muller de 96 anos faleceu en Ames ao caer a un pozo na mañá deste xoves. Os Bombeiros de Boiro acudiron ao momento para efectuar o rescate do corpo. Pasadas as 13.30 horas, continúan alí, á espera de que se persone a autoridade xudicial, segundo indican fontes do servizo de extinción.
Ás 11.30 horas, persoal do 061 solicitou ao 112 Galicia medios de rescate para a muller falecida. O suceso ocorreu na aldea de Moniña, en Milladoiro. A central de emerxencias pasou o aviso aos Bombeiros de Boiro, que saíron de inmediato. Aínda descoñecen o sucedido, o que trata de esclarecer a Garda Civil. Tamén foron informados os Bombeiros de Santa Comba, o GES de Brión, a Policía Local e Protección Civil de Ames.
