As fortes choivas deste venres provocaron un desprendemento de terras no barrio compostelán de Fontiñas, que obrigou a mobilizar a efectivos de Bombeiros e Policía Local, así como a unha Brigada de Obras do Concello. Fontes policiais informan de que o incidente, ocorrido ás 13.00 horas, unicamente obrigou a acordoar a zona e non tivo consecuencias maiores en relación a danos persoais ou materiais.
Así mesmo, unha Brigada de Obras do Concello desprazouse até o lugar do desprendemento para efectuar os labores de retirada de material e liberar a zona, segundo indican fontes municipais. O concelleiro Xesús Domínguez, acompañado dunha técnica municipal, acudiu tamén ao lugar para comprobar os traballos.
