O Xulgado de Primeira Instancia número 2 ordenou que a semana próxima semana leve a cabo o desaloxo dun edificio do Centro histórico de Santiago de Compostela, onde até agora estaba instalado o Centro Social Okupado Autogestionado (C.S.O.A.) Escárnio e Maldizer, que protestará na súa contra.
Segundo ratificaron fontes xudiciais, o desaloxo do número 11 da rúa Algalia de Abaixo está previsto para o vindeiro venres 23 de xaneiro ás 09.15 horas. O colectivo que o xestiona difundiu a noticia publicamente en redes, como xa fixo en maio de 2025, cando estaba programada inicialmente a orde.
Ademais, anunciou mobilizacións para o mesmo día, que levarán a cabo antes e despois: a primeira será ás 08.00 horas —unha hora e cuarto antes da orde— e a segunda, ás 20.00 horas. “O 23 de xaneiro saímos á rúa en defensa de todos os centros sociais! Non poden tapiar a nosa loita”, difunden en Instagram.
